2 Iyutun 5:2 - Baibuli I Leb Kumam 2013

² Di do Abaka Sulumani bin oko lwongo joadongo me Isirael kede jotel me ikekon, jotel me ude me joakwari me Isirael, pi gin bino bute Yerusalem tetekeny kikwany Sanduku me Isikan ka Rwot ki Sion, Bomba ka Daudi, di kiko tere i tempulo.

2 Iyutun 5:2 Iomraidhean Croise

2 Samuel 5:7

Akadi kamanono da, Daudi bin oko mano Sion kakame oudo kocelo di tek, kame nataman kolwongo be Bomba ka Daudi.

2 Samuel 6:12

Bin oko waco ne Abaka Daudi be, “Rwot otieko mino winyo but jo me ot ka Obed Edom kede jamini mege dedede pi Sanduku me Isikan ka Rubanga.” Manono oko mino Daudi oko ot di eko omo Sanduku me Isikan ka Rubanga ki ot ka Obed Edom di eko tere i bomba mere kede kilel kadwong.

1 Iyutun 15:1

Daudi bin oko gero ude mege amake i Bomba ka Daudi, di eko iiko kabedo ne Sanduku me Isikan ka Rubanga, eko gero ne eema.

1 Iyutun 15:12

En eko waco negi be, “Wun en jotel me diakale me Jolebi; poore ilonyerenu, wun kede Jolebi wadu, tetekeny itwerunu tero Sanduku me Isikan ka Rwot Rubanga me Isirael, i kabedo kame ango atieko iiko pire.

1 Iyutun 15:25

Aso, Daudi kede jotel me Isirael, kede jodongo me isirikalen oko ot omo Sanduku me Isikan ka Rwot ki ot ka Obed Edom di kitie kede ilel adwong.

1 Iyutun 15:3

Daudi oko coko jo me Isirael dedede Yerusalem pi tero Sanduku me Isikan ka Rwot kabedo mere kame oudo koiko ne.

1 Iyutun 16:1

Gin kiko tero Sanduku me Isikan ka Rwot di kiko kete i yi eema kame Daudi oudo ogero ne; di gin kiko mino Rubanga giayala awanga kede giayala me nywak.

1 Iyutun 24:31

Gida bin kopopoko negi tice kede uco alulu bala kame oudo kotimo kede ne ikwae ka Aaron, i nyim Abaka Daudi, Sadoki, Akimelek, kede jotel me diakale me josaseredoti kede me Jolebi, abongo apokapoka moro.

1 Iyutun 24:6

Semaya wot ka Netanel, kalani me Jolebi, en kame oudo wandiko nying jo. En oudo ewandiko nying jo di jo nogi tie: abaka kede jodongo me tic mere, ngasaseredoti Sadoki, Akimelek wot ka Abiata, kede jotel me diakale me josaseredoti kede me Jolebi. Ikwae ka Eleasar kede me ka Itamar oudo kwanyo alulu di kilere alea; oudo koyero ot acel kikom me ka Eleasa di oko yero ot acel da kikom me ka Itamar.

1 Iyutun 26:26

Selomit noni kede imiegu mege en kame bin lo kop kamako jamini dedede kame bin Abaka Daudi, kede jotel me diakale, jodongo kame telo isirikalen tutumia tutumia kede kame telo isirikalen toli, kede jotel apat me isirikalen, omio but Rubanga.

1 Iyutun 28:1

Daudi bin oko mino cik but jotic dedede me Isirael pi gin cokere Yerusalem. Aso, jotic me ikekon dedede, jodongo me ikodeta dedede kame bin timo tic ka abaka, jotel me isirikalen tutumia tutumia, jotel me isirikalen toli toli, jogwok jamini kede doke ka abaka kede awobe mege, karacel kede jotic me paco ka abaka, jo yi atek mege, kede jo yi dedede, oko cokere Yerusalem.

2 Iyutun 1:4

(Do Sanduku me Isikan oudo tie Yerusalem i eema kame Daudi oudo ogero kunono kakame edwoke kede ki Kiriat Yearim.)

2 Iyutun 5:1

Epone no en kame bin tic kame Abaka Sulumani otimo me gero ot ka Rwot oko tiek kede. En bin eko tero jamini dedede kame oudo papa mere Daudi omio but Rwot di eko keto gi i agolai me kano jamini i tempulo. Jamini nogo bin ribo siliba, saabu kede ace apat.

Sabuli 2:6

“Ango atieko keto abaka na i Sion, i wi moru na kacil.”

Sabuli 87:2

Rwot maro bomba me Yerusalem kalamo kabedere dedede me Isirael.

Jolebi 9:5

Gin kiko tero gi dedede kame Musa ociko negi i nyim Eema me ariamakin kede Rwot, di jo dedede oko cokere i nyim Rwot pi wore.

Wel 10:33

Aso, jo me Isirael oko yai ki moru ka Rwot. Gin kiko ot sapali me ceng adek, di Jolebi kame oudo yeo Sanduku me Isikan ka Rwot en oudo telo negi yongayo, pi mono kakame kipoore wei iye.

Wel 10:36

Doko da kame jo oudo otuno kakame kipoore gero iye kimere pi wei, en oudo ewaco be, “Rwot, dwog but jo tutumian kede tutumian me Isirael.”