2 Iyutun 5:11 - Baibuli I Leb Kumam 2013

^11-14 Josaseredoti dedede koudo tie kanono oko lonyere abongo popoko ikodeta gi. Jolebi kobedo jower dedede, gin en Asap, Keman, kede Yedutun, kede jo me ude kame gin kiwok kiye, oudo tie ngapo igoen aliamaliam. Jolebi oko cungo i bad tetu kide me alutari, di kitie kede bule kede adungu, di josaseredoti tol acel kede ot are (120) tie kuto agwarai. Jo oudo tie wer di okuto agwarai di ogo bule kede jamini ace me goc, di dwan gi upere kede wer. Oudo kitie pako Rwot di kiwero be, “Opakunu Rwot, piento en eber, doko amara mere bedo nakanaka.” Kakame josaseredoti oudo tie donyo kede ooko me tempulo, edou oko umo yi tempulo pukupuk, omio josaseredoti likame oko karuno timo tic gi, pien rieny me deyo ka Rwot oudo oromo yi tempulo dedede.

2 Iyutun 5:11 Iomraidhean Croise

1 Iyutun 15:14

Di do josaseredoti kede Jolebi oko lonyere tetekeny kiter Sanduku me Isikan ka Rwot Rubanga me Isirael kabedo mere.

2 Iyutun 29:15

Jo nogi oko coko karacel Jolebi wad gi, di gin dedede kiko lonyere. Gin kiko donyo i tempulo bala kame abaka oudo ociko, pi kwanyo tenge gi dedede kame munao en, di lubere kede cik kame Rwot oudo omio.

2 Iyutun 29:34

Do josaseredoti oudo nonok twatwal omio oudo likame kikaruno yango leini me giayala awanga dedede, pien jo atot kikom gi oudo pwodi likame olonyere. Aso, pien Jolebi dedede oudo otieko lonyere, gin do kiko konyo josaseredoti yango leini nogo tuno tieko gi.

2 Iyutun 29:5

En eko waco negi be, “Winyunu kop na, wun Jolebi! Poore wun ilonyerenu, kede ikounu lonyo tempulo ka Rwot, Rubanga ka joakwari wu. Kwanyunu tenge ki tempulo gi dedede kame munao en.

2 Iyutun 30:15

Di i buto duwe tomon kiwie ongwon me duwe me are gin kiko ngongolo romini me Ebaga me Kalamo. Lewic oko mako josaseredoti kede Jolebi kalikame oudo olonyere mak atek, di do gida kiko lonyere di kiko tero giayala awanga i tempulo.

2 Iyutun 35:4

Iikerenu di lubere kede ikodeta me ikekon me joakwari wu pi timo tic, di lubere kede gikame kowandiko kame Abaka Daudi me Isirael kede wode Sulumani bin ociko.

2 Iyutun 35:6

Ngongolunu romini me Ebaga me kalamo, lonyerenu, iikunu jamini kame mitere pi imiegu wu. Lubunu kope dedede kame Rwot bin omio Musa.”

Yobu 1:5

Ingei ebaga acelacel, Yobu oudo lwongo idwe mege di eko timo pwola me lonyo gi. En oudo eyai odiko di eko mino giayala awanga di lubere kede wel gin dedede; pien oudo en ewaco be, “Cengemogo idwe nango odubo di kiko yamo kop moro arac i kom Rubanga i cuny gi.” Manoni oudo obedo gikame Yobu timo nakanaka.

Yai 19:10

Rwot oko waco ne be, “Oti imi jo lonyere tin kede diki. Mi gi kilwok igoen gi