2 Iyutun 5:10 - Baibuli I Leb Kumam 2013

¹⁰ Gimoro ace oudo likame tie i yi Sanduku nono kwanyo kenekene kide abatal are nogo kame bin Musa oketo iye i moru me Sinai, i kare kame bin Rwot otimo kede isikan kede jo me Isirael, di gin bin kiyai ki Misiri.

2 Iyutun 5:10 Iomraidhean Croise

2 Iyutun 6:11

Ango atieko cibo i tempulo Sanduku me Isikan, kame kide abatal me isikan ka Rwot tie iye, isikan kame bin en etimo kede jo me Isirael.”

Yai 19:5

Pi manono, ka wun iyeunu winyo dwana di ikounu gwoko isikan na, wun ibinunu bedo jo na apirgi tek kalamo jo apat dedede. Ebo, lobo lung obedo mera,

Yai 31:18

Kakame Rubanga otieko yamo kede Musa i wi moru me Sinai, eko mine kide abatal are, kame oudo Rubanga kikome owandiko iye cik.

Yai 32:19

Kakame Musa oko noko kede kimere di eko neno atin twon, kede eko neno jo di kitie miel, cunye oko wang, di eko lwomo kide abatal kame oudo emako di eko tuturo gi i dud moru.

Yai 34:1

Rwot oko waco ne Musa be, “Tieng bobo kide are kame cal bala maka me agege ka, di ango ako bino wandiko i kom gi kope kame oudo tie i kom maka kame in oudo ibebelo.

Yai 40:20

Di do Musa oko tero kide are kame oudo kowandiko iye cik tomon di eko keto gi i yi Sanduku me Isikan. Eko rwako atekai i yi alung me sanduku nono, di eko cibo kom me timo kisa i wie.

Iswilia 29:1

Magi en gikame mitere pi gwoko isikan kame Rwot ociko ne Musa pi timo kede jo me Isirael i lobo me Moab, medo i wi isikan kame oudo en egeo timo kede gi i moru me Sinai.

Iburanian 9:4

Kanono oudo tie iye alutari kame kotimo kede saabu, me wango bubani kede da oudo tie iye Sanduku me Isikan, kame kome dedede oudo obedo saabu. I sanduku noni oudo tie iye jagi kame koketo iye emanu, ebela ka Aroni kame oudo olot, kede kide me isikan kame oudo kowandiko iye cik.