2 Iyutun 4:3 - Baibuli I Leb Kumam 2013

³ Irotin are me cal me twonin kame kotimo kede nyonyo buronsi bin tie i lak epipa nono rimaro i ooko mere. Cal me twonin nogo bin kotimo i kom epipa nono i kare kame bin kotete kede.

2 Iyutun 4:3 Iomraidhean Croise

2 Iyutun 4:2

Bin eko da timo epipa kame kolwongo be nam adwong, tut mere oudo tie mita are kede sentimita ot are, laco me dude piny oudo tie mita ongwon kede sentimita ot ongwon, kede doge rimaro oudo tie mita tomon kiwie adek kede sentimita ot are.

2 Iyutun 4:4

Epipa nono bin cungo i ngei cal me twonin tomon kiwie are kame kotimo kede nyonyo buronsi, kame nyim gi oudo neno ooko; adek bin cungo di kineno bad tetu malo, adek neno bad tetu tim, adek bad tetu piny, kede adek neno bad tetu kide.

Esekeri 1:10

Cal me nyim gi oudo tie kaman: gin ongwon nogo oudo nyim gi cal bala me dano i tetu nyime, nyim engu i bad tetu cam, nyim twon i bad tetu ngodal, kede nyim ekokom kicen ngei gi.

Esekeri 10:14

Cerubim acelacel oudo tie kede nyime ongwon. Nyime me agege oudo obedo me cerubim, me are obedo me dano, me adek obedo me engu, kede me ongwon oudo obedo me ekokom.

Yosua 6:3

In karacel kede isirikalen ni ibinunu jwiao manaro bomba nono tien acel buli ceng pi ceng kanyape.

Gianyuta 4:7

Giacwea akuo me agege oudo cal bala engu, me are oudo cal bala twon, me adek oudo nyime cal bala me dano, kede me ongwon mere oudo cal bala ekokom kame tie por.