2 Iyutun 4:2 - Baibuli I Leb Kumam 2013

² Bin eko da timo epipa kame kolwongo be nam adwong, tut mere oudo tie mita are kede sentimita ot are, laco me dude piny oudo tie mita ongwon kede sentimita ot ongwon, kede doge rimaro oudo tie mita tomon kiwie adek kede sentimita ot are.

2 Iyutun 4:2 Iomraidhean Croise

2 Abakai 25:13

Jo me Babilon oko tuturo ipirin me nyonyo buronsi, icegeren me cibo kalayan kame oudo tie i tempulo, karacel kede epipa adwong me pii, di gin kiko tero nyonyo buronsi dedede Babilon.

1 Iyutun 18:8

En eko bobo da mano nyonyo buronsi atot twatwal ki Tibat kede Kun, bomban ka Kadadese. Nyonyo buronsi nogo en kame bin Sulumani oko timo kede epipa adwong me pii, ipirin kede jamini me timo tic me tempulo.

2 Iyutun 4:3

Irotin are me cal me twonin kame kotimo kede nyonyo buronsi bin tie i lak epipa nono rimaro i ooko mere. Cal me twonin nogo bin kotimo i kom epipa nono i kare kame bin kotete kede.

Yai 38:3

En etimo da jamini dedede kame kotimo kede tic me alutari, agune, gi me kikiso wi alutari, kalayan, ilumai, kede itatany. En eko timo jamini nogi dedede kede nyonyo buronsi.

Yai 38:8

En eko timo kalaya me nyonyo buronsi karacel kede gicibe; etime kede ilaburan me nyonyo buronsi me mon kame oudo timo tic i dog ekeko me Eema me ariamakin kede Rwot.

Sakaria 13:1

“I kare nono kobino yabo atan me lonyo ikwae ka Daudi kede jo me Yerusalem ki dub kede ki pwokere.

Tito 3:5

en eko lako wa, likame pi tice kame wan otimo be pien wan opoore, do pi kisa mere. En etimo manoni i Tipo Kacil, ngat kame mio wa nywal me pii, en nywal me are, di okounu doko jo anyen.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.