2 Iyutun 26:5 - Baibuli I Leb Kumam 2013

⁵ En bin ebedo timo gikame Rubanga mito i kare me kuo ka Sakaria, ngat kame bin mie tam me bedo kede wor but Rubanga. Di i kare nono lung Rubanga oko mine winyo.

2 Iyutun 26:5 Iomraidhean Croise

Ageini 41:15

Parao oko waco ne Yosepu be, “Ango oudo aleko do likame tie ngatamoro kame sobolo gonyo dwong me lek nono. Ango koyamo na kop i komi be in itwero gonyo dwong me lek.”

Ageini 41:38

Parao oko waco ne jo mege be, “Likame bobo wan obinunu udo ngatamoro kame ber kalamo Yosepu, dano kame tie kede tipo ka Rubanga.”

2 Abakai 15:34

En bin eko bedo timo gikame poore i nyim Rwot, bala kame bin papa mere Usia obedo timo.

1 Iyutun 22:11

Daudi oko meede di ewaco be, “Pi mano, in woda, ango akwao Rwot Rubanga ni ebed kedi, tetekeny in ikaruno gero ot ka Rubanga ni, bala kame en etieko waco.

1 Iyutun 22:13

Ka in ilubo iswilia dedede kame Rwot bin omio Musa pi mino jo Isirael, gi dedede bino bedo ni kiber. Bed di itek, doko bed kede nwangcuny. Kur ibed kede lworo moro arabo potocuny.

2 Iyutun 14:6

En bin eko luko bomban me Yuda kede apama katek i kare me anapakin nono, di yi oko bedo li i mwakini nogo, pien Rwot oudo omie anapakin.

2 Iyutun 15:2

di en eko ot pi riamo kede Abaka Asa. En eko waco ne be, “Abaka Asa, winy gikame atie waco, karacel kede wun dedede jo me ekeko ka Yuda kede me ka Benjamin! Rwot bedo tie kede wu ka wuda itienu kede en. Ka imoenu ibinunu ude, do ka iwekenu eda ebino weko wu.

2 Iyutun 24:2

Yowasi oko bedo timo gikame ber i nyim Rwot i kare dedede me kuo ka Yekoyada ngasaseredoti.

2 Iyutun 25:8

In cengemogo itamo be gin kibino medo ni teko me yi, do Rubanga en kame tie kede twer me mino dano bwono yi arabo mino kobwone i yi, doko en ebino mino jokwor ni bwoni.”

2 Iyutun 26:4

En bin eko bedo timo gikame poore i nyim Rwot, bala kame papa mere Amasia bin otimo.

2 Iyutun 27:6

Yotam bin oko doko tek piento en ebedo lubo Rwot Rubanga mere kede genere.

2 Iyutun 29:1

Mwakini me dongo ka Esekia oudo tie ot are kiwie kany i kare kame bin en ecako kede pug. En bin eko pug i Yerusalem pi mwakini ot are kiwie kanyangon. Nying toto mere bin Abija nyar ka Sakaria.

2 Iyutun 32:30

Abaka Esekia en kame bin otimo puleju kame kwanyo pii ki atan me Gikon di eko tero i bad tetu tim me yi bomba me Yerusalem. Esekia bin tie kede winyo i gi dedede kame en oudo etimo.

Sabuli 1:3

Gin kical bala yen kame kopito osamai, kame nyak i kare kikokome, doko pote gi likame ner. Gi dedede kame jo nogo timo ngetakin kiber.

Danieri 1:17

Rubanga oko mino awobe ongwon nogo ngec kede niang i kom epone dedede me wandiko leb, kede kope me rieko. Medo i wi manono, Danieri oudo twero gonyo dwong me lek kede gianyuta.

Danieri 10:1

(I mwaka me adek me apugan ka Sairas bala abaka me Pasia, bin Rubanga oko mino kop mere ongere but Danieri, en ngat kame oudo kolwonge da be Beletesasar. Kop nono oudo obedo me ateni do niang iye oudo obedo cane adwong. Bin oko niange kop nono i gianyuta.)

Danieri 2:19

Iwor me ceng nono Rubanga oko mino Danieri gianyuta me gikame omungere nono, di Danieri oko pako Rubanga me malo be,

Danieri 5:16

Do ango atieko winyo be in isobolo gonyo dwong me kope komungere, kede da tieko peko atie. Aso ka nan in iko sobolo somo iwandik noni kede gonyo dwong mere, kobino ngapo ni igoen akwakwar me angosibib, kede eriko me ngut kame kotimo kede saabu, kede iko bino bedo won ruom me adek i apugan me ajakanut noni.”

Kosea 6:4

Do Rwot waco be, “Okwe wun jo Isirael kede Yuda, abino timo wu benyo? Amara wu buta yai awakawaka bala ekuna me odiko; ecal bala toyo kame bunyo rwenyo odiko sek.

Tice 20:30

Doko jo mogo bino wokun kibutu, kame bino yamo kop me angalo pi loko tam me jokirisito but gin.

Yosua 1:7

Kenekene bed dano atek di itie kede nwangcuny adwong, di igwokere lubo iswilia dedede kame ngatic na Musa omio wu. Kur iparao tenge kiye, di gi dedede ko bino cobere ni kiber i kabedo dedede kame in ioto iye.

Yosua 1:8

Miero inen be isomo ne jo itabu me Iswil i kare dedede kame gin kitie wora kede; bed tamo kope mege iceng kede iwor, tetekeny ikaruno bedo di igwokere pi lubo gi dedede kame kowandiko iye. Manono bino mino ibedo kede mulem, doko gi dedede ko bino cobere ni kiber.

Jongolkop 2:7

Di jo me Isirael bin oko bedo woro Rubanga pi kare dedede kame Yosua oudo kuo kede, kede pi kare dedede kame joadongo kame bin oko dong kuo ingei Yosua to, oudo pwodi tie kuo, jo kame bin oneno kede wang gi jamini adongodongo kame bin Rwot otimo ne jo me Isirael.