2 Iyutun 26:16 - Baibuli I Leb Kumam 2013

¹⁶ Do i kare kame Abaka Usia bin oko doko tek kede, en eko doko ngaewaka, di manono oko kelo ne peko. Pien etimo gi kalikame nyuto genere but Rwot Rubanga mere, i yore me en kikome donyo i tempulo pi wango adok angwe kur i wi alutari.

2 Iyutun 26:16 Iomraidhean Croise

1 Abakai 12:33

En eko ot i alutari kame oudo etimo Betel, eko mino giayala i buto duwe tomon kiwie kany me duwe me kanyauni, en ceng kame en emoko kede wie kene pi jo me Isirael kwero iye ebaga.

1 Abakai 13:1

Kakame Yeroboam oudo tie cungo kede i nget alutari pi dunyo odok angwe kur, Rwot oko ciko enabi oko yai ki Yuda di eko ot Betel kunono,

2 Abakai 14:10

Ateteni in itieko bwono jo Edom, di manono oko mini idoko ngaewaka. Mi dwongo kame komi romi, di iko dong bedo paco ni. Pinyo kame mio in imito mono peko di iko kelo can i komi kede i kom jo me Yuda?”

2 Abakai 15:5

Rwot bin oko mino tuwo arac me del kom omako abaka. En bin eko bedo kede tuwo nono di opoko ne ode kene, tuno i kare me to mere. Wode Yotam en kame do bin oko bedo telo paco me abaka, kede jo me lobo nono da.

2 Iyutun 12:1

Kakame apugan ka Rekoboam otieko sipakin kede, di en eko doko tek, en karacel kede jo dedede me Isirael kiko weko lubo Iswil ka Rwot.

2 Iyutun 25:19

In iwaco be, ‘Neni, ango atieko bwono jo Edom,’ di manono oko mini idoko ngaewaka. Aso, dong bedo paco ni. Pinyo kame mio in imito mono peko di iko kelo can i komi kede i kom jo me Yuda?”

2 Iyutun 26:15

En eko mino jodiru oteto icumai me gweno imalia kede me lwomo kide adongo, di eko cibo i wi gedo aboco kede i ikonai me apama me bomba. Iruo me nyinge oko sarakin kabedere dedede, pien Rwot oudo obedo konye tuno en doko tek.

2 Iyutun 27:2

En bin eko bedo timo gikame poore i nyim Rwot, bala kame bin papa mere Usia obedo timo. En likame bin eko donyo i tempulo pi wango odok angwe kur i wi alutari. Do jo pwodi oko meede kede timo dub.

2 Iyutun 32:25

Do Esekia oko timo gi kalikame lubere kede bero kame oudo Rwot otimo ne, pien cunye oko bedo kede ewaka. Manono bin oko kelo lilo ka Rwot i kome kede i kom Yuda kede Yerusalem.

Agole 16:18

Ewaka kelo ne dano peko, doko da tingere mio dano poto.

Danieri 11:12

Kakame etieko bwono kede twon isirikalen jokwor mege, cunye bino pong kede ewaka pi tutumian me isirikalen kame erwaco, do likame ebino meede bwono yi nakanaka.

Danieri 8:8

Diel nono oko meede ameda woo pi teko mere, do kakame teko mere otuno kede malo adikinicel, oko bin turo tunge. Di kawang manono, tunge ongwon kame idelelei oko tui, di acelacel kikom gi tie cimo bad apat.

Abakuk 2:4

Neningo joewaka! Gin likame cuny gi opoore, pi mano gin likame kibino bwot, do jo kopoore bino bedo kuo pi genere gi but Rubanga.”

Wel 16:1

Kora wot ka Isikar, kobedo Ngalebi me ekeko ka Kokat oko bedo kede jemo i kom tel ka Musa. Jo adek da me ekeko ka Ruben oko ribere i kome, gin en Datan kede Abiram, koudo obedo awobe ka Eliab, kede On wot ka Pelet. Gin bin kiko tero jo tol are kede ot kany me Isirael, gin jotel me ekodet kame jo oudo oyero, di kiko ot but Musa kede dwan agwai.

Wel 16:18

Aso, buli dano oko kwanyo itatany mere di eko keto iye itonge me mac, di eko keto odok angwe kur iye. Gin kiko cungo i ekeko adonyo i Eema ka Rwot karacel kede Musa kede Aaron.

Wel 16:35

Di mac oko bino piny kibut Rwot di eko wangaro jo tol are kede ot kany koudo tie dunyo odok angwe kur.

Wel 17:5

Di do ebela me ngat kame ango abino yero pi bedo ngasaseredoti na ko bino libo. Iepone noni ango abino jiko ingungur kame jo me Isirael tie kede i komi nakanaka.”

Iswilia 8:14

kur iwakerenu di wi wu ko wil kede Rwot Rubanga wu ngat kokwanyo wu ki lobo me Misiri, kakame oudo ibedunu iye ipasoi.

Iswilia 8:17

Pi mano, poore igwokerenu kur ngatamoro wac i cunye be, ‘Twer na kede teko na en komio ango abaro.’

Jokolosai 2:18

Kur imiunu ngatamoro ngol kop loi wu, di ecerededo imwolere me ecuke kede woro imalaikan, di ecungo i gianyuta ka Rubanga. Akodi ngat nono wakere pi tam mere me dano adana abongo tien kop moro.