2 Iyutun 23:9 - Baibuli I Leb Kumam 2013

⁹ Yekoyada oko mino jotel me isirikalen tongini kede ibukui adongo kede atitino kame riki obedo me ka Abaka Daudi, kame oudo kobedo gwoko i tempulo.

2 Iyutun 23:9 Iomraidhean Croise

2 Samuel 8:7

Daudi bin oko mano ibukui kame kotimo kede saabu kame oudo jotic ka Kadadese mako, di eko tero gi Yerusalem.

1 Abakai 10:16

Sulumani bin oko timo ibukui alac tol are (200) kede saabu; ebuku acelacel bin otero saabu kame buco romo kilo kanyaare.

2 Iyutun 23:10

En eko keto jo kame gwoko abaka; emio ngat acelacel ocungo di emako gi me yi mere i cinge, cako ki bad tetu piny me tempulo tuno i bad tetu malo mere, kede rimaro alutari.

2 Iyutun 23:8

Jolebi kede jo dedede me Yuda oko timo gi dedede bala kame ngasaseredoti Yekoyada oudo ociko. Likame bin oko yei ne isirikalen kame yai ki dog tic dok i miere gi, manono oko mino ngatel acelacel me isirikalen obedo tie kede isirikalen kame koto poore yai ki dog tic kede kame poore lunyo wang gi i dog tic. Etimere kamanono pien ngasaseredoti Yekoyada likame bin oyei ne ngatamoro dok paco ingei en tieko tic mere.

1 Samuel 21:9

Akimelek oko gamo be, “Epima ka Goliat dano me Pilistia angoce in ineko i aditot me Ela en atie kane, koboe i egoe etie ingei epod. Ka in imite, tere, pien likame bobo tie apat, kwanyo en kenekene.” Daudi oko waco ne be, “Mia manono; likame tie epima moro aber kalamo en!”