2 Iyutun 21:7 - Baibuli I Leb Kumam 2013

⁷ Do Rwot oko dagi muducaro jo me ot ka Daudi pi isikan kame en oudo etieko timo kede Daudi, di ecikere be ikwae mege bino bedo pug nakanaka.

2 Iyutun 21:7 Iomraidhean Croise

2 Samuel 21:17

Do Abisai wot ka Seruya oko ot konyo Daudi, eko yi kede icuo nono paka neke. Di do isirikalen ka Daudi oko kwongere ne be, “In likame bobo ibino meede ot kede wan i yi, pien likame wan omito be in ngat kame nataman itie bala etala me Isirael itoi.”

2 Samuel 23:5

Manono en gikame Rubanga bino timo ne oda, piento en etieko timo isikan kame bedo nakanaka keda, cikere atie odocon kalikame kobino turo. Rubanga bino mino manoni timere, en ebino konya; manoni en gikame cunya mito.

1 Abakai 11:13

Akadi kamanono da, ango likame abino kwanyo ajakanut lung ki cinge. Ango abino weko ne jo me ekeko acel pir ngatic na Daudi kede pir Yerusalem, bomba kame ango atieko yero.”

1 Abakai 11:36

Do ango abino mino wot ka Sulumani pugo ekeko acel, tetekeny ngatic na Daudi bed tie kede akware kame pugo i nyima i Yerusalem, bomba kame ango ayero pi bedo mera.

1 Abakai 15:4

Do pi Daudi, Rwot Rubanga mere oko mine awobi kame lunyo wange pugo Yerusalem kede pi mine cungo di etek.

2 Abakai 8:19

Do Rwot oudo likame oikere pi muducaro Yuda, piento en oudo ecikere but ngatic mere Daudi be ikwae mege bino dong pug nakanaka.

2 Abakai 8:24

Aso, Yekoram oko to di oko yike i Bomba ka Daudi, di wode Akasia oko lunyo wange.

2 Iyutun 22:11

Yowasi wot ka Akasia kenekene en oko bwot. En oudo koyapuno neke kede imiegu mege ace, do waa mere Yekoseba en oko kwale kikom idwe ka abaka. Yekoseba oudo obedo nyar ka Abaka Yekoram, amin me Akasia atoti gi kede obedo mon nyek, doko en oudo ebedo dako me ngasaseredoti. En ekwalo Yowasi di eko kane kede ngapidi mere i agola me buto koudo tie i tempulo ka Rwot, tetekeny Atalia kur tim ne gimoro.

2 Iyutun 23:3

Di do jo kocokere dedede oko timo isikan kede Yowasi, wot ka abaka i tempulo. Yekoyada owaco negi be, “Wot ka abaka ine! En poore ebed abaka, bala kame Rwot bin ocikere kede i kom awobe ka Daudi.

2 Iyutun 6:16

Pi manono, Okwe Rwot, Rubanga me Isirael, ango akwai igwok cikere ni but ngatic ni papa na Daudi, cikere kame bin in iwaco iye be, ‘In likame ibino bedo abongo ngat kame lunyo wangi bala abaka me Isirael, kenekene ikwae ni poore gwok yote me kuo gi, di gin kiko lubo iswilia na bala kame in itimo.’

Sabuli 132:11

Rwot okwongo but Daudi ikwong me ateni, kalikame doko eromo loko tam mere kiye: “Abino mino ngat acel kikom awobe ni bedo i kom nin me ajakanut.

Sabuli 89:39

In itieko turo isikan kame oudo itimo kede ngatic ni; doko itieko uco ocoro mere me ajakanut piny i apua.

Luka 1:69

En etieko woto ne wa Ngalak kame tie kede twer, ki ot ka ngatic mere Daudi.

Luka 1:79

pi mino lero but jo kame bedo kakacol kede i tipo me to, pi nyuto ne wa yote kabeco kame kelo ne wa mulem.”