2 Iyutun 21:11 - Baibuli I Leb Kumam 2013

¹¹ Medo i wi manono, Yekoram bin ogero kabedere me woro caljwogi i wi imukuran me Yuda, di eko mino jo me Yuda kede Yerusalem oweko bedo kede genere but Rwot kiko parao tenge.

2 Iyutun 21:11 Iomraidhean Croise

1 Abakai 11:7

En bin egero kabedo me woro Kemos, en rubanga aneno rac me Moab, kede kabedo me woro Molek, en rubanga aneno rac me Amon, i wi moru i bad tetu kide me Yerusalem.

1 Abakai 14:16

En ebino jalo Isirael pi dub ka Yeroboam kame en etimo, kede kame emio jo me Isirael otimo.”

1 Abakai 14:9

Do in itimo gikarac kalamo jopug ace apat kame in ilubo; in itieko daga di iko wango cunya i yore me timo piri cal me rubangan me awora.

2 Abakai 21:11

“Pien Abaka Manase me Yuda otieko timo gi me kwer nogi, gikareco kalamo kame jo Amor obedo timo, di en eko mino jo me Yuda otimo dub kede caljwogi mege.

2 Abakai 9:22

Kakame Yoram oneno kede Yeku, en eko penye be, “Manoni obedo bino me mulem?” Yeku oko dwoko be, “Mulem karuno bedo tie benyo di pwodi tim me woro caljwogi kede me jwok kame toto ni Jesebel oudo ocako pwodi tie meede?”

2 Iyutun 21:10

Cako i kare nono tuno tin Edom oko bedo jemo ne apugan me Yuda. Bomba me Libina da oko jemo i kare acel nono, pien Yekoram oudo oweko Rwot, Rubanga ka joakwari mege.

2 Iyutun 21:13

Akaka manono, in iko lubo yongayo me kuo me abakai me Isirael, di iko mino jo me Yuda kede me Yerusalem oweko bedo kede genere but Rwot, bala kame jo me ot ka Akab bin otimo, ida ineneko imiegu ni kikokome, jo kame oudo beco loi.

2 Iyutun 33:9

Manase bin omio gin jo Yuda kede jo me Yerusalem kitimo gikareco atot kalamo me atekerin kame Rwot omuducaro i nyim jo me Isirael.

Sabuli 106:39

Manoni oko mino gi kidoko jo komunaun pi tice gi, doko kiko doko bala imalayan pi gikame kitimo.

Sabuli 78:58

Pien gin oudo kiwango cunye, omio en eko doko ger pi kite kame kigero kede abilan me woro caljwogi; kimio nyeko omake kede caljwogi kame gin oudo kitimo.

Yai 34:16

Doko cengemogo wuda ikounu bino nyomo ne awobe wu mon kikom anyira gin, di anyira gin ko bino mino awobe wu weko wora di kiko donyo woro rubangan gin.

Isaya 65:7

pi dub gi kede me joakwari gi. Gin kitieko wango odok angwe kur i wi mori di kiko yamo kirac i koma. Ango abino mino gi alola kame romo pi dub gi.”

Yeremia 3:8

Yuda oneno be, pi tim me adote ka Isirael, dako acar nono, ango ako pokere kede di ako riame. Do Yuda da, amin me Isirael kalikame genere, likame oko bedo kede lworo; eda eko gire ot timo malaya.

Esekeri 20:28

I kare kame bin ango atieko tero gi kede i lobo kame ango oudo akwongere pi mino gin, gin kiko lokere wango cunya i yore me mino giayala gi i kabedo moroni kenekene kame gin bin kineno iye emukura moro, arabo yat moro, oudo kitero kagonogo giayala gi angwe kur, kede giayala amata.

Esekeri 23:11

“Bed bala amin mere Okoliba bin oneno gi kotimere ne, do en eko bedo do kede mit kede tim me malaya kame oko kalamo me amin mere Okola.

Danieri 3:15

Aso, nan kame wun i iikerenu riebere di ikounu woro cal kame ango acibo, ingei winyo agwara, bilo, adungu, arigirigi, bul, kede jamini ace me goc, manono bino bedo ber; do ka likame ikounu wore, cucuto kobino uco wu i epipa me mac kosorano. Iparunu be tie rubanga moro kame bino lako wu kikuno?”

Kosea 12:1

Gi dedede kame jo me Isirael timo piny yuluyul cal bala riamere kede yamo kame buko wok ki bad tetu kide. Tim me angalo kede me gero tie nyai anyaa i diere gi. Gin kitimo isikan kede Asiria, doko kicato ne Misiri mo.”

Kosea 4:15

“Okwe Isirael, bed bala in iko timo tim me malaya kede rubangan apat, mito kur Yuda bed kede raco me tim acel nono. Kur iotunu wora Giligal arabo Bet Aben, doko kur ikwongerenu i nyinga ango Rwot kakuo i kabedere nogo.

Jolebi 17:7

Jo me Isirael likame miero bobo mi giayala gi moro but jwogi acal bala diegi, kame oudo omio gi kibedo jo kalikame genere buta. Manoni en iswil kame gin poore kilubi pi kare lung me anyim.

Jolebi 20:5

ango kikoma abino lokere dage kede jo me ode dedede, karacel kede jo kame lubo tim mere nono me weka di kiko lokere woro rubanga Molek. Ango abino riame tenge kibut jo na.

Abakuk 2:15

Itienu i can, wun jo kame imiunu jo me atekerin me kio wu mato gero wu tuno gin doko cal bala jo komer, pi wun mito neno gin di kitie nono!

Iswilia 31:16

Rwot oko waco ne Musa be, “In iyapuno to, do ingei to nin jo bino weka di kiko donyo woro rubangan mogo apat, rubangan me lobo kame gin kitie ot iye; gin kibino weka di kiko turo isikan kame ango oudo atimo kede gi.