2 Iyutun 21:10 - Baibuli I Leb Kumam 2013

¹⁰ Cako i kare nono tuno tin Edom oko bedo jemo ne apugan me Yuda. Bomba me Libina da oko jemo i kare acel nono, pien Yekoram oudo oweko Rwot, Rubanga ka joakwari mege.

2 Iyutun 21:10 Iomraidhean Croise

1 Abakai 11:31

Di eko waco ne Yeroboam be, “Ter in adulion tomon, pien Rwot Rubanga me Isirael waco be, ‘Neningo, ango ayapuno kwanyo ajakanut ki cing Sulumani, di ako bino mino in pugo jo me ikekon tomon.

1 Abakai 11:33

Ango abino timo manoni piento Sulumani otieko daga di eko lunyo woro Asitate rubanga adako me jo Sidon, Kemos rubanga me Moab, kede Milikom rubanga me jo Amon. En likame ebedo lubo yote na, doko likame ebedo timo gikame poore i wanga, kede da en likame egwoko pwony na kede iswilia na, bala kame bin papa mere Daudi obedo timo.

2 Abakai 19:8

Ngadwong me isirikalen me Asiria oko winyo be abaka gi oudo otieko yai ki Lakis etie do yi i bomba me Libina. Aso, en eko ot bute kunono.

2 Iyutun 13:10

“Do wan Rwot en kobedo Rubanga wa, doko da wan likame otieko weke. Josaseredoti kobedo ikwae ka Aaron en kame timo ne Rwot tic, di Jolebi en kame konyo gi.

2 Iyutun 15:2

di en eko ot pi riamo kede Abaka Asa. En eko waco ne be, “Abaka Asa, winy gikame atie waco, karacel kede wun dedede jo me ekeko ka Yuda kede me ka Benjamin! Rwot bedo tie kede wu ka wuda itienu kede en. Ka imoenu ibinunu ude, do ka iwekenu eda ebino weko wu.

2 Iyutun 21:11

Medo i wi manono, Yekoram bin ogero kabedere me woro caljwogi i wi imukuran me Yuda, di eko mino jo me Yuda kede Yerusalem oweko bedo kede genere but Rwot kiko parao tenge.

2 Iyutun 21:8

I kare me apugan ka Yekoram, Edom oko jemo ne Yuda di gida kiko yero abaka gi amako gi.

2 Iyutun 21:9

Di Yekoram oko ngolo eoto Edom kede jotel me isirikalen mege kede cabalan mege dedede me yi. En eoto iwor di eko suro jo me Edom kame oudo olukaro en karacel kede jodongo me isirikalen mege ayi kede cabalan.

2 Iyutun 28:6

I ceng acel kenekene, abaka me Isirael, Peka wot ka Remalia, bin obwono Akas di eko neko isirikalen me Yuda tutumia tol acel kede ot are (120,000), kame bin tek i yi. Manoni bin otimere pien gin oudo kiweko lubo Rwot, Rubanga ka joakwari gi.

Isaya 1:28

Do jojemo kede jodubo en ebino muducaro gi karacel; en ebino neko jo kame weke.

Yeremia 2:13

pien jo na otieko timo jamini areco are: gin kitieko weka, ango ngat kame abedo negi bala atan me pii amio kuo, di gin kiko lunyo kukunyo ataneko gi, ataneko kame buge gi obabarun, manono mio pii likame cungo i yi gi.” Rwot waco be,

Yeremia 2:19

Dub ni en abino bitaro in, lokere ni tenge kibuta en abino ronkino in. Ngei kiber be ebedo gikame rac doko ekelo lito pi in weko ango Rwot Rubanga ni; in likame itie kede wor buta. Ango Rwot Rubanga me jo yi en awaco.”

Iswilia 31:17

Ka manono otimere, gero bino maka i kom gi di ako weko gi di likame bobo kiko twero neno wanga; abino muducaro gi pi gero na. Peko atot bino poto negi di kiko bino waco be, ‘Mam peko gi tie poto ne wa pien likame Rubanga wa doko tie kede wa?’

Iswilia 32:21

Gin kimio nyeko omaka pi gin woro rubangan me abe akony gi li, kimio cunya owang pi gin woro caljwogi. Pi manono, ango abino mino nyeko mako gi i kom ateker akony mere li, abino cwano negi ateker me jomingo pi wango cuny gi.

Yosua 10:29

Ingei manono Yosua kede jo me Isirael dedede oko kato Libina di kiko sure.

Yosua 21:13

Medo i wi Keburon, en bomba me ringo ot gwokere, bin oko mino ikwae ka Aaron ngasaseredoti bomban gi: Libina,

Jongolkop 10:13

Do akadi bed bala kamanono da, wun ikounu weka di ikounu donyo woro rubangan apat; pi manono ango likame bobo abino medo lako wu.