2 Iyutun 20:3 - Baibuli I Leb Kumam 2013

³ Lworo oko mako Yekosapat, di eko mono kony kibut Rwot. En eko ciko ceng me kanyo kec i Yuda lung.

2 Iyutun 20:3 Iomraidhean Croise

2 Iyutun 11:16

Jo dedede me ikekon apapat me Isirael kame cuny gi oudo tie i woro Rwot Rubanga me Isirael oko gida wapo gi Yerusalem kunono, tetekeny kimi giayala but Rwot, en Rubanga ka joakwari gi.

2 Iyutun 19:3

Do akadi bed bala kamanono da, in itie kede bero moro. In idudubo ipirin kame oudo cungo pi rubanga adako anyinge Asera i lobo noni, doko da itamo cibo cunyi timo gikame Rubanga mito.”

2 Iyutun 7:14

ka gin kiko turere i cuny gi, di kiko mona, di kiko lokere tenge ki gikareco gi, ango abino winyo kwac gi i malo di ako sasiro gi, di ako cango peko atie i lobo gi.

Nekemia 9:1

I buto duwe ot are kiwie ongwon me duwe nono, jo Isirael bin oko cokere pi bedo i kanyo kec. Gin oudo kingapo igoen me iturur, di kijuko wi gi kede apua pi nyuto cwercuny gi pi dub gi.

Esita 4:16

“Oti icok Iyudayan dedede atie Susa karacel, di ikounu kanyo kec di ilegunu pira. Kur icamunu gimoro akadi mato gimoro pi ceng adek kede iwor da adek. Ango karacel kede anyira kame konya wada obino timo kamanono. Ingei manono ango abino ot but abaka tetek bed bala iswil likame yei; ka ango abino to pi timo kamanono, ango do ayei.”

Yeremia 36:9

I duwe me kanyangon i mwaka me kany me apugan ka Abaka Yekoyakim wot ka Yosia me Yuda, jo dedede me Yerusalem kede jo dedede kobino Yerusalem di kiwok ki bomban me Yuda oko bedo kanyo kec i nyim Rwot.

Danieri 9:3

Ango ako lego kede cunya dedede but Rwot, di angangao en, di akanyo kec, di angapo epuko, kede di abedo i buru.

Yoweri 1:14

Cikunu kare me kanyo kec; lwongunu cokere! Cokunu joadongo kede jo dedede me Yuda i ot ka Rwot Rubanga wu, di ikounu kok bute.

Amosi 5:4

Rwot waco ne jo Isirael be, “Dwogunu buta di ikounu bino kuo.

Yona 1:16

Cuo nogo oko medo ameda bedo kede lworo but Rwot, di kiko mino giayala but Rubanga di kikwongere.

Matayo 10:28

Kur ilworunu jo kame neko kom dano do di likame kiko karuno neko tipo mere. Do lworunu ngat kame neko kom dano karacel kede tipo mere i mac kalikame to.

Jongolkop 20:26

Di jo me Isirael, isirikalen dedede oko dok Betel di kiko donyo koko; gin kiko donyo bedo i nyim Rwot kunono di kiko kanyo kec tuno piny yuto. Di do kiko yalo giayala awanga kede giayala me nywak i nyim Rwot.

1 Samuel 7:6

Aso, jo oko cokere Misipa, di kiko twomo pii di kiko onye i nyim Rwot bala giamia, kiko kanyo kec cenge nono yuluyul. Gin kiwaco be, “Wan odubo i nyim Rwot.” Samuel bin oko doko ngat kame kope dedede me Isirael tie i cinge i Misipa.