2 Iyutun 20:2 - Baibuli I Leb Kumam 2013

² Joter kop mogo oko ot waco ne Yekosapat be, “Twon isirikalen me Edom owok ki loka tetuca me Nam Oto kibino pi suri; nan kitieko tuno Kasason Tamar.” (Manoni en nying ace me Engedi.)

2 Iyutun 20:2 Iomraidhean Croise

Ageini 14:3

Abakai nogi bin oko ribere pi yi i aditot me Sidim kame nataman kolwongo be Nam Oto.

Ageini 14:7

Di do gin kiko lokere kidok cen di kiko tuno Enmisupat (en Kades), di kiko yi kibwono piny me jo Amalek kede me jo Amor da, kame oudo bedo Kasason Tamar.

Wer amit 1:14

Opa na me amara cal bala ature angwe mit atuuro i poti me olok me Engedi.

Esekeri 47:10

Jocik bino teere cungo i dog ecilet noni pi cik; cako ki Engedi tuno Enegilaim bino bedo tie iye karieno bwoini me cik. Bino bedo tie iye aporogon atot me egere apapat bala kame tie i nam adwong me Mediterania.

Esekeri 47:19

“Ikor me bad tetu piny yai ki Tamar tuno i pii me Kades Meriba; ki kanono eko dero aditot kobedo ikor me Misiri tuno i nam adwong me Mediterania.

Esekeri 48:28

I bad tetu piny me adul me jo me ekeko ka Gad, ikor yai ki Tamar tuno i pii me Kades Meriba; ki kanono eko dero aditot kobedo ikor me Misiri tuno i nam adwong me Mediterania.

Wel 34:12

Ikor nono ko dok i bad tetu piny di eko ririo ecilet me Yorodan eko ot tuno i Nam Oto. “Magonogi en kame bino bedo ikor me lobo wu.”

Yosua 15:62

Nibisan, bomba me Munyo, kede Engedi: bomban kanyape kede calere gi.

Yosua 3:16

pii oko weko mol di eko cokere karacel malo kuno i nget bomba me Adamu, kame kio kede Saretan. Mol me pii ot donyo i Nam Oto oko ngol tel, di do jo oko ngolo ecilet i kakame pimere kede Jeriko.

1 Samuel 23:29

Daudi oko do yai ki kunono di eko donyo pwono i adul me Engedi.