2 Iyutun 20:1 - Baibuli I Leb Kumam 2013

¹ Ingei kare moro isirikalen me Moab kede me Amon, karacel kede jo Meunim oko ot pi yi kede Yekosapat.

2 Iyutun 20:1 Iomraidhean Croise

1 Iyutun 4:41

I kare ka Abaka Esekia me Yuda, jo kame nying gi tie malo go oko ot Gedor di kiko dudubo iemai kede kimere me jo koudo bedo kunono. Gin kiko riamo jo nogo tenge di kiko donyo bedo kanono atwal, pien lum me kwano gi oudo tie kunono.

2 Iyutun 14:8

Abaka Asa oudo tie kede isirikalen tutumia tol adek (300,000) kobedo cuo me ekeko ka Yuda, gin dedede di kitie kede tongini kede ibukui, kede isirikalen amako ibukui kede imalia tutumia tol are kede ot kanyauni (280,000) kobedo cuo me ekeko ka Benjamin. Gin dedede oudo kibedo jo kame tek yi.

2 Iyutun 19:11

Amaria Ngatel me Josaseredoti en kame bino telo wu i pido amakere kede kop i kom Rwot; Sebadia wot ka Isimael ngapug me jo me ekeko ka Yuda en kame bino telo wu i pido amakere kede iswilia ka abaka; Jolebi bino neno be oketo i tic kop kame kongolo. Timunu kamanoni kede nwangcuny, akwao Rwot bed tie i bad me jo kame timo gi kopoore!”

2 Iyutun 19:2

Enabi Yeku wot ka Kanani oko ot pi riamo kede abaka Yekosapat di eko waco ne be, “Benyo, eber konyo jo areco kede maro jo adagi Rwot? Pi tim noni omio lilo ka Rwot otieko bino i komi.

2 Iyutun 19:5

En bin eko yero jongolkop i buli bomba acelacel me Yuda kame kocelo kede apama atek

2 Iyutun 20:10

“Nan jo me Amon, Moab kede Edom osuro wa. Kakame joakwari wa bin owok kede ki Misiri, in likame iko yei negi suro lobere nogo, aso gin kiko naco gi kiko weko gi likame kidudubo gi.

2 Iyutun 26:7

Rubanga bin oko konye di eko bwono jo Pilistia, imuarabun kame bin bedo Gurubaal, kede jo Meunim.

2 Iyutun 32:1

Ingei Abaka Esekia timo gi nogi dedede kede genere but Rwot, Abaka Senakerib me Asiria oko ot suro Yuda. En eluko bomban kame kocelo di oudo eparo pi mano gi.

Isaya 16:6

Jo me Yuda waco be, “Wan otieko winyo kop i kom ewaka me Moab kede deng mere, do ewaka mere nono tie gi me nono.”

Isaya 7:1

I kare kame abaka Akas, wot ka Yotam, akwar Usia oudo pugo kede Yuda, yi oko poto. Resin abaka me Siria, kede Peka wot ka Remalia me Isirael oko ot pi koto suro Yerusalem, do likame kiko twero make.

Yeremia 10:24

Riei jo ni, Okwe Rwot, do kur do ikangasaro, doko da kur itime kede gero pien manono bino mino imuducaro wa atwal atwala.

Yeremia 49:1

Man en kop kame Rwot owaco i kom lobo me Amon. En epenyere be, “Benyo, Isirael li kede awobe? Benyo, likame tie jo kodong kame karuno lunyo lobo gin? Pinyo komio gin kiweko jo kame woro rubanga Molek omao lobo me jo me ekeko ka Gad di kiko donyo bedo i bomban mege?

Gianyuta 3:19

Ango abunano jo kame amaro, doko abitaro gi; pi mano, miero iketunu cunyu di ikounu swilaro.