2 Iyutun 2:7 - Baibuli I Leb Kumam 2013

⁷ Aso, nan cwai na ngatic cing atie kede diru me tic kede nyonyo saabu, siliba, buronsi, kede ayon; kede da di etie kede diru me cweno igoen ebululu ebululu, akwakwar kede akwar, doko da di epwonyere i tic me goro cal i kom jamini. En ebino nywako tic kede jodiru kame tie keda i Yuda kede Yerusalem, jo kame bin papa na Daudi oyero.

2 Iyutun 2:7 Iomraidhean Croise

1 Abakai 10:11

Medo i wi manono, imerin ka Kiram kame bin yeo saabu kikelo ki Opir, bin oko kelo da ibaon me yat alemug kede kide me wel.

1 Abakai 7:14

En oudo ebedo wot ka apuserut kame yai ki ekeko ka Naputali, do papa mere oudo obedo dano me Taya. Papa mere da di pwodi likame eto, oudo obedo ngatet kame tio kede nyonyo buronsi. Kuram oudo obedo dano kame adam mere riek, doko oudo etie kede ngec me tic kede nyonyo buronsi. En bin eko bino but Abaka Sulumani di eko timo ne tice mege dedede.

Isaya 28:26

Gin kingeo gikame kipoore pi timo, pien Rubanga gi otieko pwonyo gi.

Isaya 28:29

Rieko noni dedede wok kibut Rwot me jo yi; en emio tam me aura, doko rieko mere dwong dwong kalikame wacere.

Isaya 60:10

Rwot waco kop i kom Yerusalem be, “Jokumbor bino gero apama ni bobo, doko abakai gi bino timo ni tic. Ango oudo alilo en komio ako mini alola, do nataman pi bero na, ango atieko bedo kede cuny me kisa i komi.

Esekeri 27:5

Kitio kede yen pir me moru me Kerimon me timo ibaon me geri, kede kiko tic kede yen seda me Lebanon me timo ipirin me tweno egoe kame yamo koli kede.