2 Iyutun 19:2 - Baibuli I Leb Kumam 2013

² Enabi Yeku wot ka Kanani oko ot pi riamo kede abaka Yekosapat di eko waco ne be, “Benyo, eber konyo jo areco kede maro jo adagi Rwot? Pi tim noni omio lilo ka Rwot otieko bino i komi.

2 Iyutun 19:2 Iomraidhean Croise

1 Abakai 16:1

Rwot oko waco ne enabi Yeku wot ka Kanani kop i kom Basa be,

1 Abakai 16:12

Aso, di lubere kede kop kame Rwot oudo owaco i kom Basa i dog enabi Yeku, Simiri oko neneko jo dedede me ot ka Basa.

1 Abakai 16:7

Kop kame Rwot owaco i kom Basa kede jo me ode ki dog enabi Yeku oudo ewaco pi dub kame Basa otimo i nyime. En oudo ewango cuny Rwot, likame pi raco kame en etimo bala bin Yeroboam, do da piento en eneneko jo me ot ka Yeroboam.

1 Abakai 21:25

(Ateteni likame oudo tie dano moro ace kotieko miire atwal atwala timo gikame rac i nyim Rwot bala Akab, ngat kame bin dako mere Jesebel oruruko en.

1 Abakai 22:44

Yekosapat doko da oko kelo mulem i dierediere mere kede abaka me Isirael.

2 Iyutun 16:7

I kare nono enabi Kanani oko ot but Abaka Asa di eko waco ne be, “Pi kite kame in iketo kede gen ni i kom abaka me Siria akaka keto gen ni i kom Rwot Rubanga ni, manono omio Isirikalen me Isirael obwot kibuti.

2 Iyutun 18:1

Abaka Yekosapat bin oko baro adikinicel, doko da bin jo oudo wore. En bin eko timo iik me nyom i dierediere me dano me ode kede me ot ka Abaka Akab.

2 Iyutun 18:28

Aso, Abaka Akab me Isirael kede Abaka Yekosapat me Yuda oko ot suro Ramot i Gilead.

2 Iyutun 18:3

Akab oko penyo Yekosapat be, “Ibino ot keda suro Ramot?” Yekosapat oko dwoko be, “Ango kede in wan acel; isirikalen nango obedo megi. Wan obino upere kedi ot yi.

2 Iyutun 18:7

Akab oko dwoko be, “Tie pwodi acel kodong kame otwero penyo tam ka Rwot kibute, en Mikaya wot ka Imila; do cunya dage, piento en emurao nango kope areco kenekene.” Yekosapat oko dwoko be, “Abaka, likame ipoore yamo kamano.”

2 Iyutun 19:1

Abaka Yekosapat me Yuda oko dok ture i Yerusalem kede mulem.

2 Iyutun 19:10

Kame joe wu me bomba moroni kenekene okelo ne wu pido amakere kede nek, amoto turo iswil amoto cik, wun ipoorenu pwonyo gi kiber iponeso kame kipoore bedo tie kede i esawa me pido, tetekeny kur kibed kede raco me timo dub but Rwot, me wek kur lilo ka Rwot bin i komu karacel kede gin. Poore itimunu kamanono di likame ikounu bedo kede raco moro.

2 Iyutun 20:34

Gi ace dedede kame bin Yekosapat otimo, cako ki agege tuno i ajikini kowandiko gi i Itabu me Itatam ka Yeku Wot ka Kanani kame obedo dul me Itatam amako Abakai me Isirael.

2 Iyutun 24:18

Gin kiko weko tempulo ka Rwot Rubanga ka joakwari gi, di kiko donyo woro caljwogi ka rubanga kame nyinge Asera. Dub gi noni oko kelo lilo ka Rwot i kom Yuda kede Yerusalem.

2 Iyutun 26:18

pi genge. Gin kiwaco ne be, “Usia! In ili kede twer me wango odok angwe kur but Rwot. Josaseredoti, ikwae ka Aaron kenekene en kame kotieko kwero pi timo tic noni. Dony ooko iwek kabedo kacil. In itieko timo dub, doko likame ibino udo winyo moro kibut Rwot Rubanga.”

2 Iyutun 32:25

Do Esekia oko timo gi kalikame lubere kede bero kame oudo Rwot otimo ne, pien cunye oko bedo kede ewaka. Manono bin oko kelo lilo ka Rwot i kome kede i kom Yuda kede Yerusalem.

Sabuli 15:4

Gin kineno jo areco kede acae, do kimio wor but jo kame lworo Rwot. Gin likame kiloko tam gi ki gikame kitieko kwongere iye akadi di elit negi.

Sabuli 21:8

Cingi bino mako jokwor ni dedede; cingi tetu cam bino mako jo adagi.

Sabuli 68:1

Rubanga, yai di jokwor ni ko sasarun; miero jo kame dagi bwangere ringo tenge ki nyimi.

Sabuli 71:15

Doga bino tatamo tice nin kopoore, ebino tatamo piny yuluyul tice nin kame ilako kede jo, akadi bed bala kitot kikalamo ngec nango.

Yai 20:5

Kur ilur wii i nyim gi amoto woro gi, pien ango Rwot Rubanga wu atie kede nyeko. Ango amio alola but jo kame daga pi dub gi, tuno but ikwae gi me adek kede me ongwon da.

Amosi 7:14

Amosi oko dwoko ne Amasia be, “Ango oudo likame abedo enabi, do nan da likame ango atie i ekodet moroni me inabin; do ango oudo abedo ngakwat kede ngat kame gwoko yen cukamori.

Yokana 15:18

“Ka piny odagi wu, ngeunu be egeo kong dagi ango di pwodi likame edagi wun.

Yokana 15:23

Ngat kame daga, udo edagi Papa na da.

Joroma 1:18

Pien lilo ka Rubanga onyutere di yai ki malo bino piny i kom jo dedede kalikame woro Rubanga, kede kame timo tim areco, kame i tim gi areco nogo, kigengo jo ngeno ateni i kom Rubanga.

Joroma 1:30

di kidubo nying jowot gi, kidagi Rubanga, kinywaro jo, kitingere ken gi, kiwakere, ki iiko tam me timo tice areco, kede di likame kiworo jonywal gi.

Joroma 1:32

Akadi bed bala kingeo iswil ka Rubanga kame waco be jo kame timo akodi gi nogi poore to, gin kimeede ameda timo gi nogi, doko da kipwoyo jo apat kame timo gi nogi.

Joroma 8:7

Pien tam kame koketo i kom gikame kom mito tie kwor kede Rubanga, pien likame elubo iswil ka Rubanga, ateteni likame ekaruno lubo.

Joepeso 5:11

Kur idonyunu i tice me colo kame anyakini gi kony gi li, do akaka manono nyutunu gi kakaler.

Iswilia 32:41

ka apeno leb epima na di meny di cinga oko make pi timo kop kame ango angolo, abino timo onyanga i kom jokwor na; abino culo jo adaga kede alola.

Iswilia 33:11

Rwot, okwe mi winyo i kom jamini gi, yei gamo tice gi. Bwon jokwor gi kede jo kame dagi gi atwal atwala, tetekeny kur kicatuno bobo.”

Iswilia 5:9

Kur ilurunu wi wu i nyim gi arabo iworunu gi; pien ango Rwot Rubanga wu abedo Rubanga kame nganyeko. Ango amio alola but jo kame daga kede but idwe gi tuno naka but ikwae me anyim me lwak me adek kede ongwon.

Iswilia 7:10

do jo kame dage en eneneko gi; manono en epone kame en eculo gin kede; en likame egal kede mino gi alola.

Yakobo 4:4

Wun jo kalikame genere! Benyo, likame ingeunu be bedo awotin kede piny en bedo ading kede Rubanga? Pi mano, ngat kame mito bedo awotin kede piny udo edoko ngading ka Rubanga.

1 Samuel 9:9

(I kare kasek i Isirael, ka ngatamoro oudo mito ot penyo kop moro kibut Rubanga, oudo ewaco be, “Bia ooti but nganeno”; pien ngat kame nan kolwongo be enabi oudo bin kolwongo be nganeno.)