2 Iyutun 17:4 - Baibuli I Leb Kumam 2013

⁴ En etio ne Rubanga ka papa mere, di eko lubo cik mege, di likame eko bedo kede tim me jo me Isirael.

2 Iyutun 17:4 Iomraidhean Croise

1 Abakai 12:28

Aso, abaka oko tamo i kom kop nono di eko cweno roce are kede saabu. En eko waco ne jo be, “Itiekunu bedo wire ot Yerusalem pi kare koromo. Wun jo me Isirael nan rubangan wu do ige kokwanyo wu ki lobo me Misiri!”

1 Abakai 12:30

Manoni oko doko dub, pien jo oko donyo ot woro caljwogi nogi i Betel kede i Dan.

1 Abakai 12:33

En eko ot i alutari kame oudo etimo Betel, eko mino giayala i buto duwe tomon kiwie kany me duwe me kanyauni, en ceng kame en emoko kede wie kene pi jo me Isirael kwero iye ebaga.

1 Abakai 3:3

Sulumani oudo maro Rwot, doko oudo elubo gikame papa mere Daudi owaco ne, do kenekene eda oudo emio giayala angola kede me odok angwe kur i kabedere atot apapat.

1 Abakai 9:4

Aso, ka in ibino timo tic na kede genere kede kuo kopoore, bala kame Daudi papa ni bin otimo, di itimo gi dedede kame ango aciko ni, di ilubo pwony kede iswilia na,

2 Abakai 17:19

Jo me ekeko ka Yuda da bin likame oko gwoko cik ka Rwot Rubanga gi, do kiko donyo lubo itok kame jo me Isirael okelo.

2 Abakai 8:18

Dako mere oudo obedo nyar ka Akab, omio en eko lubo ikiteso areco me jo me diakal ka Akab kede me abakai ace me Isirael; en etimo gikame rac i nyim Rwot.

2 Iyutun 14:6

En bin eko luko bomban me Yuda kede apama katek i kare me anapakin nono, di yi oko bedo li i mwakini nogo, pien Rwot oudo omie anapakin.

2 Iyutun 17:3

Rwot oko bedo tie kede Yekosapat piento en oudo elubo ikiteso kame papa mere obedo tie kede i kare mere me agege di likame eko woro Baal.

2 Iyutun 21:12

Enabi Elia bin oko wandiko ne Yekoram baluwa kaman: “Rwot Rubanga ka kwaruni Daudi waco be in likame iko lubo yongayo me kuo ka papa ni Yekosapat, arabo yongayo me kuo ka Abaka Asa me Yuda.

2 Iyutun 22:9

Jo ka Yeku oko mono Akasia, di gin kiko ude etie pwono Samaria. Gin kiko tere but Yeku di kiko neke. Gin kiko yike, pien gin kiwaco be, “En ebedo akwar Yekosapat, ngat kame bin obedo timo gikame Rwot mito kede cunye lung.” Likame oudo tie ngatamoro kikom jo me diakal ka Akasia kodong kame oudo karuno pug bala abaka.

2 Iyutun 27:6

Yotam bin oko doko tek piento en ebedo lubo Rwot Rubanga mere kede genere.

2 Iyutun 29:2

En bin eko timo gikame poore i nyim Rwot bala kame bin kwaru mere Daudi otimo.

2 Iyutun 34:2

En bin eko timo gikame poore i nyim Rwot; en ebedo timo gi dedede bala bin kwaru mere Daudi, abongo parao tenge.

Kosea 4:15

“Okwe Isirael, bed bala in iko timo tim me malaya kede rubangan apat, mito kur Yuda bed kede raco me tim acel nono. Kur iotunu wora Giligal arabo Bet Aben, doko kur ikwongerenu i nyinga ango Rwot kakuo i kabedere nogo.

Luka 1:6

Gin jo are nogo oudo kibedo jo kopoore i nyim Rubanga, doko da di kilubo cik dedede kede iswilia ka Rubanga kiber abongo raco moro.

1 Jotesalonika 2:12

Wan oudo obako dog wa ne ngat acelacel kibutu, omio wu nwangcuny kede owaco ne wu lubo epone me kuo kame poore i nyim Rubanga, ngat kame lwongo wu i Ajakanut kede i deyo mere.

1 Jotesalonika 4:1

Me ajikini mere, imiegu kede amiegu na, wan okwao wu, doko obako dog wa butu i Rwot Yesu be, bala kame isiaonu kede kibut wan epone kame ipoorenu bedo kede di iyomunu cuny Rubanga, bala kame nan itienu timo, meedenu ameda timo kamanono.