2 Iyutun 17:3 - Baibuli I Leb Kumam 2013

³ Rwot oko bedo tie kede Yekosapat piento en oudo elubo ikiteso kame papa mere obedo tie kede i kare mere me agege di likame eko woro Baal.

2 Iyutun 17:3 Iomraidhean Croise

Ageini 39:21

Do Rwot oudo tie kede Yosepu di eko nyuto ne amara mere kalikame lokere; en eko mino ngadwong me otkol obedo kede amara bute.

2 Samuel 5:10

Di Daudi oko meede ameda doko dano kame tek, pien Rwot Rubanga me jo yi oudo tie kede.

2 Samuel 8:15

Daudi bin oko pugo Isirael lung di engolo kop i ateni doko di etero jo mege dedede kiber.

1 Abakai 11:6

Aso, Sulumani bin oko bedo timo gikarac i wang Rwot, di en likame eko lubo Rwot kede cunye lung, bala kame papa mere Daudi bin obedo timo.

1 Abakai 22:43

En eko lubo ekite ka papa mere Asa di likame eparao tenge kiye; oudo ebedo timo gi opoore i nyim Rwot. Do abilan me woro rubangan likame oudo kotuturo, doko da jo oko meede ot mino giayala kede dunyo odok angwe kur i abilan nogo.

1 Abakai 3:3

Sulumani oudo maro Rwot, doko oudo elubo gikame papa mere Daudi owaco ne, do kenekene eda oudo emio giayala angola kede me odok angwe kur i kabedere atot apapat.

2 Abakai 14:3

En bin eko timo gikame poore i nyim Rwot, cite likame bala kame kwaru mere Daudi bin otimo; do en etimo gi dedede bala kame papa mere Yowasi oudo otimo.

2 Abakai 16:2

Mwakini me dongo ka Akas bin tie ot are i kare kame ecako kede pug. En bin eko pug i Yerusalem pi mwakini tomon kiwie kanyape. En likame eko bedo timo gikame poore i nyim Rwot Rubanga mere, bala kame bin kwaru mere Daudi obedo timo,

2 Abakai 18:3

En bin eko timo gikame poore i nyim Rwot bala kame bin kwaru mere Daudi otimo.

2 Abakai 22:2

En bin eko timo gikame poore i nyim Rwot; en ebedo timo gi dedede bala bin kwaru mere Daudi, abongo parao tenge.

1 Iyutun 22:18

En ewaco be, “Rwot Rubanga wu obedo tie kede wu di eko mino wu anapakin i bad tetu dedede. Piento en emia abwono jo dedede kame oudo tie bedo i lobo noni. Gin nataman kitieko doko jo kame tie i apugan wun kede i apugan ka Rwot.

2 Iyutun 14:11

Asa oko lego but Rwot Rubanga mere be, “Okwe Rwot, in itwero konyo isirikalen agoro, di eyot ni ayota bala konyo isirikalen atek. Okwe Rwot Rubanga wa, kony wa nan, pien in en kame wan otie geni, doko da wan obino kan i nyingin pi yi kede twon isirikalen nogi. Rwot, in en Rubanga wa; kur iyei ne dano adana bwoni.”

2 Iyutun 15:2

di en eko ot pi riamo kede Abaka Asa. En eko waco ne be, “Abaka Asa, winy gikame atie waco, karacel kede wun dedede jo me ekeko ka Yuda kede me ka Benjamin! Rwot bedo tie kede wu ka wuda itienu kede en. Ka imoenu ibinunu ude, do ka iwekenu eda ebino weko wu.

2 Iyutun 17:2

En eko cibo isirikalen i bomban kame kocelo kede apama atek me Yuda, kede i calere mege, kede i bomban me Epuraimu kame Asa oudo omao.

2 Iyutun 17:4

En etio ne Rubanga ka papa mere, di eko lubo cik mege, di likame eko bedo kede tim me jo me Isirael.

2 Iyutun 20:32

En eko lubo ekite ka papa mere Asa di likame eparao tenge kiye; oudo ebedo timo gi opoore i nyim Rwot.

2 Iyutun 21:12

Enabi Elia bin oko wandiko ne Yekoram baluwa kaman: “Rwot Rubanga ka kwaruni Daudi waco be in likame iko lubo yongayo me kuo ka papa ni Yekosapat, arabo yongayo me kuo ka Abaka Asa me Yuda.

2 Iyutun 22:9

Jo ka Yeku oko mono Akasia, di gin kiko ude etie pwono Samaria. Gin kiko tere but Yeku di kiko neke. Gin kiko yike, pien gin kiwaco be, “En ebedo akwar Yekosapat, ngat kame bin obedo timo gikame Rwot mito kede cunye lung.” Likame oudo tie ngatamoro kikom jo me diakal ka Akasia kodong kame oudo karuno pug bala abaka.

2 Iyutun 27:6

Yotam bin oko doko tek piento en ebedo lubo Rwot Rubanga mere kede genere.

2 Iyutun 29:2

En bin eko timo gikame poore i nyim Rwot bala kame bin kwaru mere Daudi otimo.

2 Iyutun 34:2

En bin eko timo gikame poore i nyim Rwot; en ebedo timo gi dedede bala bin kwaru mere Daudi, abongo parao tenge.

Sabuli 46:11

Rwot me jo yi tie kede wa; Rubanga ka Yakobo en karingo wa me ot gwokere.

Sabuli 46:7

Rwot me jo yi tie kede wa; Rubanga ka Yakobo en karingo wa me ot gwokere.

Yai 3:12

Rubanga oko dwoko ne be, “Ango abino bedo tie kedi; gianena kame bino nyuto be ango en kame acwai en ine: kame in itieko kwanyo jo ki Misiri, in ibino donyo wora i wi moru noni.”

Yai 4:12

Nan oti, ango abino konyi yamo; abino mini kop kame ipoore waco.”

Isaya 41:10

Kur ibedunu kede lworo, pien ango atie kede wu, kur ibedunu kede lworo moro, pien ango en Rubanga wu; ango abino mino wu teko, abino konyo wu, ango abino gwoko wu di ako lako wu kede twer na.

Isaya 8:10

Iikunu tam karacel, do likame kibino cobere; yamunu kope, do kope nogo likame bino cungo, pien Rubanga tie kede wa.

Yeremia 2:23

Epone mene kame in itwero waco kede be in likame imunaun, be likame in itieko woro Baal? Nen kong dub kame in itimo i aditot; nen gikame itimo. In ical bala atin aguragura kame taco di eringo i bad dedede;

Matayo 1:23

“Neni, nyako kame pwodi likame ngeo icuo bino yac di en eko nywalo atin awobi, di oko bino cako nyinge Emanuel,” kame dwong mere be, “Rubanga tie karacel kede wa.”

Matayo 18:20

Pien kakame jo are arabo adek ocokere iye i nyinga, udo ada atie i diere gi.”

Matayo 25:16

Ngat kame oudo ogamo talente kany oko ot, cucuto di en eko donyo timo kede gi tic me cat. En eko udo ameda ace me talente kany.

Matayo 28:20

doko di ipwonyunu gi gwoko gikame aciko ne wu pi lubo. Doko nenunu, ango atie kede wu nakanaka tuno i ajikini me piny.”

2 Temeseo 4:22

Akwao Rwot bed i cunyi. Kisa ka Rubanga bed butu dedede.

Yosua 1:5

Yosua, likame tie dano moro kame bino sobolo bwoni i kare me kuo ni lung. Ango abino bedo tie kedi bala kame oudo abedo tie kede Musa; ango abino bedo tie kedi, likame abino jali.

Yosua 1:9

Nan ango aciki be, bed dano atek di itie kede nwangcuny; kur ibed kede lworo amoto potocuny, pien ango Rwot Rubanga wu atie kedi i kabedo dedede kame ioto iye.”

Jongolkop 2:11

Di do jo me Isirael bin oko timo gikarac i nyim Rwot; gin bin kidonyo woro Baal,

Jongolkop 2:18

I kare dedede kame bin Rwot mio kede jo me Isirael ngatel, Rwot bin bedo tie kede ngatel nono di en eko lako jo ki cing jokwor gi pi kare me ngatel nono dedede. Kisa oudo mako Rwot i kom gi pi cur kame oudo kitie iye pi itidil kede adiadia kame oudo oketo i kom gi.

Jongolkop 6:12

Malaika ka Rwot bin oko neeno but Egidioni kunono di oko waco ne be, “Rwot tie kedi, in dano atek i yi!”

Jongolkop 8:33

Oyotoyot di Egidioni otieko to, jo me Isirael oko bobo dok cen i kuo me woro Baal. Gin bin kiko mino Baal kame gin oudo kitimo isikan kede oko doko rubanga gin.

1 Samuel 18:12

Saulo oudo tie kede lworo i kom Daudi pien Rwot oudo tie kede Daudi, do en Rwot oudo otieko weke.

1 Samuel 18:14

di eko bedo lono yi dedede me eoto iye, pien Rwot oudo tie kede.

1 Samuel 18:5

Saulo oko donyo cwano Daudi i yi apapat, do en eko bedo bwono jokwor i yi dedede kame Saulo ocwae iye; manono oko mino Saulo oko mine edoko ngadwong me isirikalen. Jo dedede, kiton jotic ka Saulo da, oko moko kop nono.