2 Iyutun 16:3 - Baibuli I Leb Kumam 2013

³ “Poore wan okodere kedi, bala kame bin papa na kede papa ni otimo. Nan ango acwao ni siliba kede saabu noni bala giamia buti. Oti itur kodere ni kede Abaka Basa me Isirael, tetekeny ekaruno kwanyo isirikalen mege ki adul na.”

2 Iyutun 16:3 Iomraidhean Croise

2 Samuel 21:2

Abaka oko lwongo jo me Gibeon di eko yamo kede gi. (Jo Gibeon oudo likame obedo ateker me Isirael, do oudo gin kibedo donge me jo Amor mogo anonok; bed bala jo me Isirael oudo okwongere pi gwoko gi, do Saulo oko tamakino wearo gi pi mit mere adwong i kom jo me Isirael kede Yuda.)

1 Abakai 15:16

Abaka Asa me Yuda kede Abaka Basa me Isirael oko bedo yi pi kare lung kame oudo gin kibedo kede jopug.

2 Iyutun 16:2

Di Asa oko kwanyo siliba kede saabu dedede ki tempulo kede ki ot ka abaka, di eko cwano gi but Abaka Benekadad me Siria, kame oudo bedo Damasiko, kede kop kame waco be,

2 Iyutun 16:4

Benekadad oko winyo kop ka Abaka Asa, di eko cwano isirikalen mege suro bomban me Isirael. En eko mako bomban me Iyon, Dan, Abel Bet Maka, kede bomban dedede me Naputali kakame oudo kogwoko iye jamini.

2 Iyutun 18:3

Akab oko penyo Yekosapat be, “Ibino ot keda suro Ramot?” Yekosapat oko dwoko be, “Ango kede in wan acel; isirikalen nango obedo megi. Wan obino upere kedi ot yi.

2 Iyutun 19:2

Enabi Yeku wot ka Kanani oko ot pi riamo kede abaka Yekosapat di eko waco ne be, “Benyo, eber konyo jo areco kede maro jo adagi Rwot? Pi tim noni omio lilo ka Rwot otieko bino i komi.

Sabuli 15:4

Gin kineno jo areco kede acae, do kimio wor but jo kame lworo Rwot. Gin likame kiloko tam gi ki gikame kitieko kwongere iye akadi di elit negi.

Yai 32:21

Musa oko penyo Aaron be, “Nyo kame jogi otimo nin en komio in imio gin kitimo twon dub kame dwong rom kano?”

2 Jokorinti 6:16

Winyere nyo kame tie i dierediere me tempulo ka Rubanga kede cal jwogi? Pien wan otienu tempulo ka Rubanga kakuo; bala kame Rubanga owaco kede be, “Ango abino bedo i diere gi di aoto kiye, di ako bino bedo Rubanga gi, di gin kiko bino bedo jo na.”

2 Temeseo 3:3

kibino bedo jo kalikame paro jo, jo kalikame mito dok i nywak kede jo apat, jo kame dubo nying jo, jo kame cuny gi rep, jogero, jo kame dagi gikaber,

Jongolkop 2:2

Wuda miero kur itimunu isikan moro kede jo kame bedo i lobo noni. Miero ireretunu alutarin gi piny.’ Do wun likame ikounu lubo gikame ango awaco ne wu. Pinyo komio wun ikounu timo kamano?