2 Iyutun 15:4 - Baibuli I Leb Kumam 2013

⁴ Do i kare kame peko opoto negi kede, gin kiko lokere but Rwot, Rubanga me Isirael. Gin kimoe di kiko ude.

2 Iyutun 15:4 Iomraidhean Croise

Isaya 55:6

Mounu Rwot di pwodi etwero udere, kokunu bute di pwodi etie iyapiyapi.

2 Iyutun 15:15

Jo dedede me Yuda oko lelo pi ikwong gi nono, pien oudo kikwongere kede cuny gi dedede. Doko da gin oudo kimoe kede mit gi dedede, di kiko ude, di Rwot oko mino gi anapakin ki bad dedede.

Kosea 6:1

Jo waco be, “Bia odokunu but Rwot. En etieko nyinyilo wa i adulion, do ebino cango wa; etieko mino wa awanon, do en ebino twetweo aporeso wa.

Joroma 10:20

Isaya bin obedo kede tekcuny di eko waco be, “Jo kalikame oudo moa otieko wuda; ango atieko nyutere ne jo kalikame oudo penyo pira.”

Sabuli 106:44

Akadi kamanono da, en eko winyo koko gi di eko paro pi can gi.

2 Iyutun 15:2

di en eko ot pi riamo kede Abaka Asa. En eko waco ne be, “Abaka Asa, winy gikame atie waco, karacel kede wun dedede jo me ekeko ka Yuda kede me ka Benjamin! Rwot bedo tie kede wu ka wuda itienu kede en. Ka imoenu ibinunu ude, do ka iwekenu eda ebino weko wu.

2 Iyutun 33:12

I kare kame en oudo etie neno kede can, en eko mwolere twatwal i nyim Rubanga ka joakwari mege, di eko lokere but Rwot Rubanga mere eko ngangao en pi konye.

Isaya 51:1

Rwot waco be, “Winyunu kop na, wun jo kame imitunu bedo jo kopoore, wun jo kame itienu mono Rwot. Ngolorunu kong lela kame riki okunyo wu kiye, bur me kide kame riki okunyo wu kiye.

Isaya 55:7

Jo kame timo gikareco miero wek yongayo me kuo gi nono, doko jo kalikame opoore miero wek gikame tie i tam gi; miero gin kidwog but Rwot, tetekeny en kisa make kede gi. Miero kidwog but Rubanga wa, piento en ebino sasiro gi adikinicel.

Sakaria 1:3

do nan atie waco ne wu be, ‘Dwogunu buta di ada ako bino dwogo butu, ango Rwot me jo yi en awaco.