2 Iyutun 15:2 - Baibuli I Leb Kumam 2013

² di en eko ot pi riamo kede Abaka Asa. En eko waco ne be, “Abaka Asa, winy gikame atie waco, karacel kede wun dedede jo me ekeko ka Yuda kede me ka Benjamin! Rwot bedo tie kede wu ka wuda itienu kede en. Ka imoenu ibinunu ude, do ka iwekenu eda ebino weko wu.

2 Iyutun 15:2 Iomraidhean Croise

1 Abakai 11:25

En bin eko bedo ngakwor me Isirael pi kare me kuo ka Sulumani lung, di ekelo negi peko bala kame Kadad da obedo timo; en bin ebedo kede acae i kom jo me Isirael di epugo Siria.

1 Abakai 18:18

Elia oko dwoko be, “Likame ango abedo ngakel peko i Isirael, do in kede ot ka papa ni en ikelunu peko, pien wun iwekunu lubo cik ka Rwot di ikounu donyo woro Baal.

2 Abakai 21:14

Ango abino jalo jo na odong mege, di ako bino mino gi i cing jokwor gi, jo kame bino bwono gi di kiko yako gi.

1 Iyutun 28:9

“Aso in woda Sulumani, poore in ingei Rubanga ka papa ni, di iko timo ne tic kede cunyi lung kede tam aber. Pien Rwot ngeo tam me jo dedede doko engeo iik gi kede par gi dedede. Ka in imoe, ibino ude; do ka in ilokere tenge ki bute, en ebino jali atwal.

2 Iyutun 11:12

kede da ibukui adongodongo kede tongini, di eko mino gi kibedo di kitek. Iepone noni adulion me Yuda kede Benjamin bin oko dong i loc mere.

2 Iyutun 12:5

Enabi Semaya oko ot but Abaka Rekoboam kede jotel me Yuda koudo ocokere Yerusalem pi lworo Sisak; pien Sisak oudo owaco negi be, “Rwot tie waco ne wu be, ‘Wun iwekanu, nan ada atieko weko wu i cing Sisak.’ ”

2 Iyutun 13:12

Rubanga kikome en obedo ngatel wan, doko da josaseredoti mege tie cuto kede agwarai me akuta pi lwongo wa cako yi kede wu. Wun jo me Isirael, kur iyiunu kede Rwot, Rubanga ka joakwari wu! Likame ibinunu twero bwono yi!”

2 Iyutun 13:4

Abaka Abija oko ot i wi moru me Semaraim i piny me imukuran me Epuraimu, di eko waco be, “Winyanu, in Yeroboam kede jo dedede me Isirael!

2 Iyutun 15:15

Jo dedede me Yuda oko lelo pi ikwong gi nono, pien oudo kikwongere kede cuny gi dedede. Doko da gin oudo kimoe kede mit gi dedede, di kiko ude, di Rwot oko mino gi anapakin ki bad dedede.

2 Iyutun 15:4

Do i kare kame peko opoto negi kede, gin kiko lokere but Rwot, Rubanga me Isirael. Gin kimoe di kiko ude.

2 Iyutun 20:15

En ewaco be, “Winyunu wun dedede jo me Yuda kede jo kame bedo Yerusalem, karacel kede abaka Yekosapat. Rwot tie waco ne wu be kur cunyu nyote, doko da kur lworo maku pi twon ekodet me isirikalen jokwor wu; yi nono likame obedo meru do ebedo me ka Rwot.

2 Iyutun 20:17

Likame wun ibinunu yi. Kenekene wun teerenu di ikounu cungo mot, di ikounu bino neno di Rwot mio wu ibwonunu yi. Okwe wun jo me Yuda kede Yerusalem, kur ibedunu kede gungcuny, doko da kur imiunu cunyu nyote; diki otunu isurunu gi, Rwot bino bedo tie kede wu!”

2 Iyutun 20:20

Odiko sek me ceng kolubo mere jo oko yai di kiko ot i wi tim me Tekoa. Kakame gin oudo kitie yai ot kede, Yekosapat oko cungo malo di eko waco be, “Winyanu, wun jo me Yuda kede jo kame bedo Yerusalem; yeunu Rwot Rubanga wu di en eko bino sipakino wu; yeunu gikame inabin mege waco ne wu.”

2 Iyutun 24:20

Di tipo ka Rubanga oko bino i kom Sakaria wot ka ngasaseredoti Yekoyada. En eko yai malo di eko cungo i nyim jo eko waco negi be, “Rwot Rubanga tie penyo pinyo komio wun iturunu cik mere, di manono oko nan gengo wu bedo kede mulem. Wun itiekunu weko Rwot, di eda nataman eko jalo wu!”

2 Iyutun 26:5

En bin ebedo timo gikame Rubanga mito i kare me kuo ka Sakaria, ngat kame bin mie tam me bedo kede wor but Rubanga. Di i kare nono lung Rubanga oko mine winyo.

2 Iyutun 32:8

En etie kede teko me dano, do wan Rwot Rubanga wa tie but wa pi konyo wa kede pi yi pirwa.” Kope nogi kame Abaka Esekia me Yuda owaco, oko mino jo oudo nwangcuny.

2 Iyutun 33:11

Pi mano, Rwot bin oko cwano jotel me isirikalen me Asiria ot suro Yuda. Gin kiko mako Manase di kiko twene kede epingo kede irikoi, di kiko tere Babilon.

2 Iyutun 33:12

I kare kame en oudo etie neno kede can, en eko mwolere twatwal i nyim Rubanga ka joakwari mege, di eko lokere but Rwot Rubanga mere eko ngangao en pi konye.

2 Iyutun 34:3

I mwaka me kanyauni me apugan ka Yosia, di pwodi oudo en atin awobi, en eko cako woro Rubanga ka kwaru mere Daudi. Di i mwaka me tomon kiwie are me apugan mere, en eko cako muducaro kabedere me woro caljwogi, cal me rubanga Asera, kede caljwogi apat dedede i Yuda kede i Yerusalem.

Esera 8:22

Ango oudo lewic omaka penyo abaka pi mino wa isirikalen kame koto ogwoko wa kibut jokwor wa i kare me sapali wa, pien wan oudo otieko waco ne be Rubanga wa gwoko jo dedede kame wore, do elilo ne jo dedede kame lokere tenge ki bute.

Sabuli 34:4

Ango ako lego but Rwot, di en eko gamo kwac na, en elaka ki gi dedede kame oudo kelo na lworo.

Sabuli 53:2

Rubanga ngio jo ki malo, pi neno ka tie ngatamoro kame riek, ngat kame mo Rubanga.

Isaya 45:19

Ango oudo likame ayamo kede wu i mung i kakacol; ango oudo likame awaco ne ikwae ka Yakobo be, ‘Ibinunu mona i kabedo kame tie atatai.’ Ango Rwot ayamo kop me ateni, atuco gikame tie kakare.”

Isaya 51:1

Rwot waco be, “Winyunu kop na, wun jo kame imitunu bedo jo kopoore, wun jo kame itienu mono Rwot. Ngolorunu kong lela kame riki okunyo wu kiye, bur me kide kame riki okunyo wu kiye.

Isaya 7:13

Isaya oko dwoko be, “Winyunu wun ikwae ka Daudi. Iparunu be ebedo gikame titidi me wun olo jo, omio nan imitunu doko olo Rubanga na da?

Yeremia 2:17

Isirael, mam in en ikelo can noni i komi keni pi kite kame iweka kede, ango Rwot Rubanga ni, kakame ango abedo telo wu kede i yongayo?

Amosi 5:14

Ketunu cunyu timo gikame ber do weko gikame rac, tetekeny ibedunu kuo. Manono bino mino Rwot Rubanga ateteni bino bedo kede wu bala kame wun iwacunu.

Sakaria 1:3

do nan atie waco ne wu be, ‘Dwogunu buta di ada ako bino dwogo butu, ango Rwot me jo yi en awaco.

Wel 14:42

Kur iotunu malo kuno, pien Rwot likame tie kede wu, jokwor wu bino bwono wu.

Wel 14:43

Pien jo Amalek kede jo Kanan bino yi kede wu di kiko bwono wu; likame Rwot bino bedo tie kede wu, pien wun itiekunu dagi winyo kop mere.”

Matayo 13:9

“Ngat kame tie kede yite wek ewinyi.”

Iswilia 20:1

“Ka iotunu pi yi kede jokwor wu, di ikounu neno asigiran kede cabalan me yi, kede isirikalen atot kalamo megu, kur ibedunu kede lworo i kom gi; pien Rwot Rubanga wu tie kede wu, ngat kame bin owoto wu ki lobo me Misiri.

Iswilia 31:17

Ka manono otimere, gero bino maka i kom gi di ako weko gi di likame bobo kiko twero neno wanga; abino muducaro gi pi gero na. Peko atot bino poto negi di kiko bino waco be, ‘Mam peko gi tie poto ne wa pien likame Rubanga wa doko tie kede wa?’

Iswilia 4:29

Wun ibinunu mono Rwot Rubanga wu ki kuno di ikounu ude ka imoenu kede cunyu dedede kede kuo wu dedede.

Iburanian 10:38

Do jo na kopoore bino bedo kede yei di kiko kuo; do ka ngatamoro kikom gi yei mere odok cen, cunya likame bino bedo yom i kome.”

Iburanian 12:25

Nenunu be iwinyunu kop me ngat kame tie yamo. Pien ka gin bin likame kitwero bwot i kare kame kidagi kede ngat kame oudo okwenyaro gi ki lobo kan, wan do obinunu bwot benyo ka odagunu ngat kame kwenyaro wa ki malo?

Yakobo 4:8

Nyikunu iyapiyapi kede Rubanga di eda eko bino nyikini iyapiyapi kede wu. Lonyunu cingu wun jodubo, di ikounu mino cunyu bed di cil wun jo kame tam wu okakarun.

Yosua 22:31

Pinekasi, wot ka Eleasar ngasaseredoti oko waco negi be, “Tin wan otiekunu ngeno be Rwot tie kede wa, pien wun likame oudo ijemunu ne Rwot i yore me tim noni. Pi mano, wun itiekunu lako jo me Isirael ki alola ka Rwot.”

Yosua 24:20

Ka wun iwekunu Rwot di ikounu donyo timo tic ne rubangan me kumbor, en ebino lokere dagi wu di eko mino wu alola. En ebino muducaro wu, bed bala oudo lem etimo ne wu bero.”

Gianyuta 2:11

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame lo, bino bwot ki to me are.

Gianyuta 2:17

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame bino lono, ango abino mine emana mogo kame kokano. Abino mine kidi atar, kame kowandiko iye nying kanyen kalikame tie ngatamoro kame ngeo, kwanyo kenekene ngat kame tie game.

Gianyuta 2:29

“Ngat kame tie kede yite, wek ewinyi gikame Tipo tie waco ne ikodeta me jokirisito.

Gianyuta 2:7

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame bino lono, abino mine ecamo anyakini me yat me kuo, kame tie i paradis ka Rubanga.

Gianyuta 3:13

“Ngat kame tie kede yite, wek ewinyi gikame Tipo tie waco ne ikodeta me jokirisito.

Gianyuta 3:22

“Ngat kame tie kede yite, wek ewinyi gikame Tipo tie waco ne ikodeta me jokirisito.”

Gianyuta 3:6

“Ngat kame tie kede yite, wek ewinyi gikame Tipo tie waco ne ikodeta me jokirisito.

Jongolkop 10:13

Do akadi bed bala kamanono da, wun ikounu weka di ikounu donyo woro rubangan apat; pi manono ango likame bobo abino medo lako wu.

Jongolkop 9:7

Kakame bin oko waco ne kede Yotam kop noni, en eko ot di eko cungo i wi moru me Gerisim, di eko lelemo di ewaco negi be, “Winyunu kop na, wun jo me Sekem, tetekeny Rubanga winy wu!

1 Samuel 12:14

Gi dedede bino bedo ne wu kiber ka ibinunu lworo Rwot di ikounu tic ne en, kede ka iwinyunu dwane di likame ikounu weko lubo cik mege, ka wun dedede karacel kede abaka kame pugo wu olubo kop mere.

1 Samuel 12:15

Do ka wun ibinunu dagi winyo dwan Rwot, di ikounu bino dagi lubo cik mege, Rwot bino tojo wu, wun karacel kede abaka wu.