2 Iyutun 14:3 - Baibuli I Leb Kumam 2013

³ En bin ekwanyo tenge alutarin me kumbor kede kabedo kame koworo kiye rubangan, di eko tuturo ipirin me kide kame koworo, kede gikame cungo pi rubanga adako anyinge Asera.

2 Iyutun 14:3 Iomraidhean Croise

Ageini 18:19

Li, pien ango atieko yere pi coro idwe mege karacel kede ikwae mege me kare me anyim, pi gin bedo jo kame lubo yongayo ka Rwot di kitimo gi kopoore kede me ateni; tetekeny Rwot cob timo gikame en ecikere iye but Aburaam.”

2 Abakai 18:4

En ekwanyo kabedere kame oudo koworo iye rubangan, emumuko ipirin me kide, di eko tongo ereto piny cal me rubanga adako kame oudo kolwongo be Asera. En bin eko tuturo cal me twol kame bin Musa otimo kede nyonyo buronsi, kame bin kocako ne nyinge be Nekusutan. Pien tuno i kare nono jo me Isirael oudo obedo mino giayala me odok angwe kur but twol nono.

2 Abakai 23:14

Abaka Yosia omumuko di eko ngingido ipirin me kide kame oudo koworo kede caljwogi, etongo di eko reto piny atekai kame oudo koworo kede rubanga Asera, di eko lunyo pongo cogere me jo kargi.

2 Abakai 23:6

En eko kwanyo ooko ki ot ka Rwot cal me rubanga Asera, eko tere tenge me Yerusalem. En etere i aditot me Kideron di eko wange kunono, eko yoke edoko purupuru, di eko kikiro apua mere i limbo kame bin koyiko iye jo me ruom apiny.

2 Iyutun 14:2

Asa bin oko timo gikame ber kede kopoore i nyim Rwot Rubanga mere.

2 Iyutun 14:4

En eko mino jo me Yuda cik pi timo gikame Rwot mito, en Rubanga ka joakwari gi, kede pi gwoko iswilia mege kede cik mege.

2 Iyutun 15:17

Do en likame eko tuturo kabedo me woro rubangan i Isirael. Akadi bed bala kamanono da, Asa oudo obedo dano kame cunye ateteni tie i kom Rwot i kare me kuo mere lung.

2 Iyutun 33:16

En eko temuno alutari ka Rwot di eko mino iye giayala me nywak kede me mino pwoc. En eko mino cik but jo dedede me Yuda pi gin woro Rwot, Rubanga me Isirael.

2 Iyutun 34:4

En emio jo omumuko alutarin ka Baal, kede alutarin me wango odok angwe kur kame bin iyapiyapi kede gi. Gin kimumuko cal me rubanga Asera, kede caljwogi kame kopao kede me nyonyo kame kotwako; gin kingingido gi di kiko kikiro gi i wi atesin me jo kame bin obedo mino giayala but gi.

Yai 34:13

Do wun ibinunu rereto alutarin gin, mumuko ipirin kame gin kiworo kiye rubangan gi, di ikounu totongo cal me rubangan gi.

Jolebi 26:30

Abino dudubo kabedere kame iworunu iye rubangan i wi imukuran, di ako totongo alutarin wu me wango odok angwe kur; abino dodoko liele wu i kom cal me rubangan wu kame korereto piny. Cunya bino dagi wu kitek.

Iswilia 7:25

Poore iwangunu cal me rubangan gi. Kur ingobelunu siliba arabo saabu kame tie i kom rubangan nogo di ikounu tero gi pi doko megu, pien kikaruno bedo bala owic me ciko wu; pien Rwot Rubanga wu dagi tim nono.

Iswilia 7:5

Do man en gikame wun ibinunu timo ne gin: reretunu alutari gin piny, mumukunu kide gin kame kisisipo me awora, tongunu piny yen kame kosisipo me woro rubanga Asera, di ikounu wango caljwogi kame gin kiworo.