2 Iyutun 13:5 - Baibuli I Leb Kumam 2013

⁵ Benyo, likame ingeunu be Rwot Rubanga me Isirael otimo isikan kalikame tur kede Daudi pi mine, en kede ikwae mege, pugo Isirael nakanaka?

2 Iyutun 13:5 Iomraidhean Croise

2 Samuel 10:13

Di Joab kede jo mege oko ot pi cako yi kede jo me Siria, di jo me Siria oko ringo tenge.

1 Abakai 8:20

“Aso, Rwot nataman otieko cobo cikere mere, pien ango nataman atieko lunyo wang papa na Daudi bala abaka me Isirael, doko atieko gero ot me woro Rwot, Rubanga me Isirael.

1 Iyutun 17:11

Ka kare me kuo nin otiek di oko yiki i nget joakwari ni, ango abino keto atin ni acel kame in inywalo, di en eko lunyo wangi bala abaka, di ango ako bino mino ajakanut mere cungo di tek.

1 Iyutun 17:14

Ango abino mine ebedo ngapug me jo na kede me ajakanut na nakanaka, doko apugan mere bino bedo ikar kede ikar.’ ”

2 Iyutun 6:16

Pi manono, Okwe Rwot, Rubanga me Isirael, ango akwai igwok cikere ni but ngatic ni papa na Daudi, cikere kame bin in iwaco iye be, ‘In likame ibino bedo abongo ngat kame lunyo wangi bala abaka me Isirael, kenekene ikwae ni poore gwok yote me kuo gi, di gin kiko lubo iswilia na bala kame in itimo.’

Nekemia 5:9

Ango ako waco be, “Gikame wun itienu timo likame ber. Ipoorenu bedo kede lworo but Rubanga di ikounu donyo timo gikame opoore, tetekeny kur atekerin apat ud gikame kiromo nyero wa iye.

Agole 1:29

Piento cunyu otieko dagi bedo kede ngec, doko da likame iyeunu bedo kede lworo but Rwot.

Yeremia 33:26

kamanono da ango likame abino dagi ikwae ka Yakobo kede me ka ngatic na Daudi. Ango abino yero ngat acel kikom ikwae ka Daudi pi bedo ngapug me ikwae ka Aburaam, Isaka, kede Yakobo. Pien ango abino dwoko mulem gi, di ako bedo kede kisa but gi.”

Esekeri 43:24

di iko kelo gi i nyima. Josaseredoti bino kikiro munyo i kom gi di kiko wango gi bala giayala buta.

Danieri 5:18

“Rubanga Ngamalo Twal bin omio papa ni Nebukadunesa obedo abaka adwong, di eko mine deyo kede angosibib.

Jolebi 2:13

Miero iket munyo i kom giayala ni dedede me alos, pien munyo cungo pi isikan wu kede Rubanga; miero iket munyo i giayala ni dedede.

Wel 18:19

“Ango atieko mino buti, but awobe ni, karacel kede anyira ni, giayala kacil dedede kame jo me Isirael kelo buta, bala gikame komio butu nakanaka. Manono obedo isikan kame ango atieko timo kede in kede ikwae ni, isikan kalikame koturo.”

2 Petero 3:5

Gin kipelakino bedo kede acae i kom kop kame waco be, riki sek kop kame Rubanga owaco en kame omio malo kede lobo ocwere. Kocweo lobo wok ki pii kede pii.

1 Samuel 16:1

Rwot oko waco ne Samuel be, “In iyaro parere pi Saulo pi kare arom amene? Ango atieko dage pi bedo abaka me Isirael. Ket mo me olibeti i tung diang di iko yai ot Betelem, but icuo moro anyinge Yese, pien ango atieko yero wode acel pi doko abaka.”

1 Samuel 16:12

Aso, Yese oko cwano kolwonge. En oudo ebedo awobi acil di kome yot, wange oudo milimili. Rwot oko waco ne Samuel be, “Yai iwire, piento en inononi.”