2 Iyutun 13:12 - Baibuli I Leb Kumam 2013

¹² Rubanga kikome en obedo ngatel wan, doko da josaseredoti mege tie cuto kede agwarai me akuta pi lwongo wa cako yi kede wu. Wun jo me Isirael, kur iyiunu kede Rwot, Rubanga ka joakwari wu! Likame ibinunu twero bwono yi!”

2 Iyutun 13:12 Iomraidhean Croise

2 Iyutun 24:20

Di tipo ka Rubanga oko bino i kom Sakaria wot ka ngasaseredoti Yekoyada. En eko yai malo di eko cungo i nyim jo eko waco negi be, “Rwot Rubanga tie penyo pinyo komio wun iturunu cik mere, di manono oko nan gengo wu bedo kede mulem. Wun itiekunu weko Rwot, di eda nataman eko jalo wu!”

2 Iyutun 32:8

En etie kede teko me dano, do wan Rwot Rubanga wa tie but wa pi konyo wa kede pi yi pirwa.” Kope nogi kame Abaka Esekia me Yuda owaco, oko mino jo oudo nwangcuny.

Yobu 40:9

Iparo be in itek bala ango? Iparo be in ikaruno redo kede dwan acal bala mera?

Yobu 9:4

Rubanga riek twatwal doko etie kede twer; ngai kotieko timo ne epali di oko bwone?

Sabuli 20:7

Jo mogo wakere pi cabalan, mogo pi asigiran, do wan owakere pi Rwot Rubanga wa.

Sabuli 46:7

Rwot me jo yi tie kede wa; Rubanga ka Yakobo en karingo wa me ot gwokere.

Isaya 45:9

Itie tin ican benyo in ngat kame ipiemo kede ngat kocwei! Benyo, agulu twero piem kede ngat kocwe? Iparunu be elupe twero penyo ngat kame tie tic kede me cwec be, “Nyo kame in itie timo”? arabo waco ne be, “Gikame itie cweno likame tie kede kakode”?

Isaya 54:17

Likame tie gi me yi moro kame koiko pi suri kame bino cobo timo tic mere, doko in ibino lono kope me pido dedede kame kokelo i komi. Manoni en gikame jotic ka Rwot udo bala mergi; lono kop gin wok ki buta.” Manoni Rwot en owaco.

Isaya 8:10

Iikunu tam karacel, do likame kibino cobere; yamunu kope, do kope nogo likame bino cungo, pien Rubanga tie kede wa.

Yeremia 2:37

Wun ibinunu dwogo ki kuno di lewic opong i wi wu. Ango Rwot atieko dagi jo kame wun iketunu gen wu i kom gi; likame tie gimoro aber kame ibinunu udo kibut gi.”

Yeremia 50:24

Babilon, ango aciko ni obek me maki di in iko moko iye abongo ngeno. Ango audi di ako maki piento in oudo ipiemo keda.

Esekeri 17:9

“Aso, ango Rwot Rubanga apenyere kaman: benyo, iparunu be olok nono bino kuo di eko dongo? Benyo, iparunu be ekokom me agege ca likame bino pute, di eko gwero anyakini mege tenge di pote mege kame oudo libaliba ko ner? Pute likame bino mito dano moro atek arabo jo atot.

Sakaria 10:5

Jo me Yuda dedede karacel bino bedo cal bala jo yi kame nyonyono jokwor gi i cwoto me gudi me bomba. Gin kibino yi pien Rwot udo tie kede gi, di kiko bino mino lewic mako jokwor gi aringo kede asigiran.” En ewaco be,

Wel 14:41

Do Musa oko waco negi be, “Pinyo komio itienu meede bedo kede abwone but Rwot. Iik wu nono likame bino cobere.

Wel 23:21

Likame tie gimoro arac kame en eneno i kom ikwae ka Yakobo; likame eneno peko moro i kom jo me Isirael. Rwot Rubanga gi tie kede gi, gin kiwaco be en ebedo abaka gi.

Wel 31:6

Musa di oko cwano gi ot yi di Pinekasi wot ka Eleasar ngasaseredoti en koudo telo gi. En oudo emako jamini me kabedo kacil kede agwara kame kokuto pi kwenyaro jo.

Tice 5:39

do ka ebedo iik ka Rubanga, wun likame iyarunu twero lono gi. Doko ibinunu udo be, cengemogo itienu yi kede Rubanga!”

Joroma 8:31

Nan owac do benyo? Ka Rubanga tie kede wa, ngai kame twero mon kede wa?

Iswilia 20:4

Pien Rwot Rubanga wu tie upere kede wu; en ebino yi kede jokwor wu piru di eko mino wu ibwonunu gi.’

Iswilia 28:29

Ibinunu rarapo yongayo i dier iceng bala imuduka, jo kame piny col negi nakanaka, do likame ibinunu twero udo yongayo; jo bino donyo yeyeto wu di kiyako wu, do likame tie ngatamoro kame bino konyo wu.

Iburanian 2:10

Pien oudo etie gikame opoore pi Rubanga, ngat kame ocweo jame dedede, kede kame jame dedede tie pire, pi mino ngat kame ocako alako beno i can me to, kame oko mine edoko ngat kame oudo epoore bedo. Rubanga otimo kaman tetekeny emi jo atot nywak deyo mere.