2 Iyutun 12:7 - Baibuli I Leb Kumam 2013

⁷ Kakame Rwot oneno kede be oudo kimwolere, en eko waco ne Semaya be, “Gin kitieko mwolere; likame abino muducaro gi, abino mino gi kibwot winyo winyo; likame abino jalakino lilo na i kom Yerusalem ki cing Sisak,

2 Iyutun 12:7 Iomraidhean Croise

2 Abakai 13:23

Do Rwot oudo oko bedo kede kisa i kom gi di eko konyo gi pi isikan mere kame oudo etimo kede Aburaam, Isaka kede Yakobo, di likame eko weko komuducaro gi. En likame pwodi eweko gi akadi tuno tin.

2 Iyutun 12:12

Pi kite kame bin en eko mwolere kede but Rwot, lilo ka Rwot likame bin oko poto i kome pi muducaro en atwal atwala; doko da kuo i Yuda oudo likame rac.

2 Iyutun 32:26

Di do Esekia oko mwolere eweko ewaka kame oudo etie kede, en kede jo me Yerusalem, manono oko mino Rwot likame omio jo alola i kare ka Esekia.

2 Iyutun 33:12

I kare kame en oudo etie neno kede can, en eko mwolere twatwal i nyim Rubanga ka joakwari mege, di eko lokere but Rwot Rubanga mere eko ngangao en pi konye.

2 Iyutun 33:13

Rubanga oko gamo kwac ka Manase di eko mine edok Yerusalem i ajakanut mere bobo. Manoni bin oko mino Manase ongeo be Rwot ateteni en Rubanga.

2 Iyutun 34:21

“Otunu di ikounu penyo Rwot pira kede pir jo me Yuda dedede kede jo kame pwodi odong i Isirael, i kom kope me itabu kame kotieko udo noni. Rwot otieko lilo kede wan kitek pien joakwari wa likame oko lubo kope mege. Likame gin kitimo gikame itabu noni waco.”

2 Iyutun 34:25

Ango abino timo manono pien gin kitieko weka di kiko lokere mino giayala but rubangan apat. Gin kitieko wango cunya kede gi dedede kame gin kibedo timo, pi manono, gin kitieko mina alilo kede kabedo noni, doko lilo na noni likame bino kwei.

2 Iyutun 34:27

di iko swilaro, doko iko mwolere i nyima, di iko inyinyilo igoen me komi di ikok, kakame in iwinyo kede di ango ayamo irac i kom kabedo noni kede i kom jo kame bedo iye. Ango atieko gamo ilega nin.

Sabuli 78:38

Do akadi da, pi kisa mere en eko sasiro dub gi, likame eko muducaro gi. I kare atot en ebedo didio gero mere, likame eko jalakino lilo mere dedede.

Sabuli 79:6

Bwot gero ni nono i kom atekerin kalikame ngei, kede i kom ajakanuto kalikame wori.

Isaya 42:25

Aso, en eko mino wa obilunu eupa me lilo mere, di okounu beno i can me yi. Lilo mere oko wango Isirael dedede bala mac, do wan likame okounu niang gikame oudo tie timere; lilo mere owango wa, do wan likame oko mino kop nono odonyo i cuny wa.

Yeremia 3:13

Kenekene in yei raco ni, be in ijemo ne Rwot Rubanga ni, di iko ot gabo amara ni but rubangan me jokumbor i dud yen oduko, di iko dagi winyo dwana, ango Rwot en awaco.

Yeremia 7:20

Pi manono, ango Rwot Rubanga atie waco be: ango abino onyo lilo kede gero na i tempulo noni, kede i kom jo kede leini, i kom yen kede i kom kodere kame jo puro. Gero na bino bedo cal bala mac kalikame kotwero neko.

Gianyuta 14:10

eda ebino mato bwini ka Rubanga, en lilo mere, kame eonyo di kec i ikopo me gero mere. Doko kobino mine acana kede mac kede salupa i nyim imalaikan kacil kede Katin Romo.