2 Iyutun 12:5 - Baibuli I Leb Kumam 2013

⁵ Enabi Semaya oko ot but Abaka Rekoboam kede jotel me Yuda koudo ocokere Yerusalem pi lworo Sisak; pien Sisak oudo owaco negi be, “Rwot tie waco ne wu be, ‘Wun iwekanu, nan ada atieko weko wu i cing Sisak.’ ”

2 Iyutun 12:5 Iomraidhean Croise

2 Samuel 24:14

Daudi oko waco ne Gad be, “Ango nan atie i lieto! Do likame amito be dano en kame mia alola, do poore Rwot en kame mia alola, piento en etie kede cuny me kisa.”

1 Abakai 12:22

Do Rubanga oko waco ne enabi Semaya

1 Iyutun 28:9

“Aso in woda Sulumani, poore in ingei Rubanga ka papa ni, di iko timo ne tic kede cunyi lung kede tam aber. Pien Rwot ngeo tam me jo dedede doko engeo iik gi kede par gi dedede. Ka in imoe, ibino ude; do ka in ilokere tenge ki bute, en ebino jali atwal.

2 Iyutun 11:2

Do Rubanga oko waco ne enabi Semaya

2 Iyutun 12:15

Tice ka Rekoboam, cako ki agege tuno i ajikini, ribo kiton itatam amako wapere me wok me diakal mere, gin dedede kitie i Itatam ka Enabi Semaya kede i Itatam ka Enabi Ido. Rekoboam kede Yeroboam bin oko bedo yi nakanaka.

2 Iyutun 15:2

di en eko ot pi riamo kede Abaka Asa. En eko waco ne be, “Abaka Asa, winy gikame atie waco, karacel kede wun dedede jo me ekeko ka Yuda kede me ka Benjamin! Rwot bedo tie kede wu ka wuda itienu kede en. Ka imoenu ibinunu ude, do ka iwekenu eda ebino weko wu.

2 Iyutun 24:20

Di tipo ka Rubanga oko bino i kom Sakaria wot ka ngasaseredoti Yekoyada. En eko yai malo di eko cungo i nyim jo eko waco negi be, “Rwot Rubanga tie penyo pinyo komio wun iturunu cik mere, di manono oko nan gengo wu bedo kede mulem. Wun itiekunu weko Rwot, di eda nataman eko jalo wu!”

Sabuli 37:33

do Rwot likame bino jalo jo kopoore i cing gi, arabo jalo kongolo kop lo gi ka kotie pido gi.

Yeremia 2:19

Dub ni en abino bitaro in, lokere ni tenge kibuta en abino ronkino in. Ngei kiber be ebedo gikame rac doko ekelo lito pi in weko ango Rwot Rubanga ni; in likame itie kede wor buta. Ango Rwot Rubanga me jo yi en awaco.”

Yeremia 23:33

Rwot oko waco na be, “Yeremia, kame ngatamoro kikom jo na, arabo enabi moro, arabo ngasaseredoti moro openyi be, ‘Kop nyo kame Rwot omio wa bala yec?’ In ibino waco ne be, ‘Wun en ibedunu yec but Rwot, doko da en ebino uco wu.’

Yeremia 4:18

Yuda, in en ikelo manoni i komi keni pi epone me kuo ni, kede pi gikame ibedo timo. Can noni obedo meri; elit tin benyo! Lito mere odonyo paka tuno i dier cunyi.

Yeremia 5:19

Kame gin kiko penyere be, ‘Pinyo komio Rwot Rubanga wa otimo ne wa gigi dedede?’ Yeremia in ibino waco negi be, bala kame gin kilokere kede tenge kibuta di kiko donyo tic ne rubangan me kumbor i lobo gi, kamanono da gin kibino donyo tic ne jokumbor i lobo kalikame mergi.”