2 Iyutun 12:3 - Baibuli I Leb Kumam 2013

³ di oudo eoto kede cabalan tutumia acel kede tol are (1,200), kede isirikalen aringo kede asigiran tutumia ot kanyape (60,000). Isirikalen kalikame marere me Libiya, Sukot, kede Abisinia oupere bino kede en.

2 Iyutun 12:3 Iomraidhean Croise

2 Samuel 10:18

Jo me Siria oko ringo tenge ki nyim jo me Isirael. Di Daudi oko neko jo Siria tol kanyaare (700) kame bin riamo cabalan kede jo tutumia ot ongwon (40,000) kame bin ringo kede asigiran, doko kiko wano Sobak ngat koudo obedo ngatel me isirikalen di en eko to kanono.

2 Abakai 7:6

Pien Rwot oudo omio isirikalen me Siria owinyo mor me tien cabalan me yi, kede me asigiran, bala bino me twon ekodet me isirikalen, di kiko donyo yamo ken gi ken gi be, “Abaka me Isirael opango abakai me jo Kiti kede me Misiri pi bino yi kede wa.”

2 Iyutun 14:12

Aso, Rwot oko bwono isirikalen me Abisinia kakame Asa kede isirikalen me Yuda osuro gi kede. Gin kiko ringo,

2 Iyutun 14:8

Abaka Asa oudo tie kede isirikalen tutumia tol adek (300,000) kobedo cuo me ekeko ka Yuda, gin dedede di kitie kede tongini kede ibukui, kede isirikalen amako ibukui kede imalia tutumia tol are kede ot kanyauni (280,000) kobedo cuo me ekeko ka Benjamin. Gin dedede oudo kibedo jo kame tek yi.

2 Iyutun 14:9

Dano moro me Abisinia anyinge Seera oko bin ot suro Yuda kede isirikalen milion acel (1,000,000), kede cabalan tutumia tol adek (300,000), di kiko ot paka tuno Maresa.

2 Iyutun 16:8

Benyo, mam Abisinia kede Libiya oudo tie kede twon isirikalen kede cabalan kede isirikalen me tien? Do pi kite kame in oudo iko geno kede Rwot, en eko mini gin dedede i cingi.

Isaya 43:3

Ango en Rwot Rubanga wu, Ngat Kacil me Isirael, ngat kame lako wu. Ango abino mino Misiri bala gi me cul pi lako wu, abino mino Abisinia kede Seba bala gi me cul piru.

Esekeri 30:5

“Isirikalen me Abisinia, Lidia, Libiya, Arabia kede Kub, ribo kiton me lobo na da kobino neneko gi i yi nono.”

Danieri 11:43

En ebino tero saabu, siliba, kede abar dedede me Misiri. Ebino da bwono Libiya kede Abisinia.

Nakum 3:9

Teko mere oudo cungo i kom Abisinia kede Misiri, doko oudo likame ejik; Put kede Libiya en koudo konye.

Gianyuta 9:16

Ango ako winyo wel me isirikalen kame oudo wanano asigiran oudo tie milion tol are.

Jongolkop 4:13

en bin eko lwongo isirikalen mege dedede karacel, kede cabalan tol kanyangon dedede, di eko cwano gi kiyai ot cako ki Karoset Goim tuno i ecilet me Kison.

Jongolkop 6:5

Pien gin bin kibino kede doke gi kede iemai gi di kiumo piny bala obonyo. Gin akadi aguraguran gi da likame wel gi marere. Gin bin kibino di kiko dudubo lobo.

1 Samuel 13:5

Jo me Pilistia oko cokere pi ot yi kede jo me Isirael; oudo kitie kede cabalan tutumia ot adek (30,000), kede jo yi kame ringo kede asigiran tutumia kanyape (6,000), kede isirikalen kame tot bala asinge me dog nam. Gin kiko ot di kiko gero kimere gi Mikimas, tetu kide me Bet Aben.