2 Iyutun 10:16 - Baibuli I Leb Kumam 2013

¹⁶ Kakame jo dedede me Isirael oneno kede be abaka odagi winyo kwac gi, gin kiko dwoko ne abaka be, “Wan oli kede iner moro i ot ka Daudi; likame tie gimoro kame wan otwero lunyo amakere kede wot ka Yese. Jo me Isirael, odokunu i miere wa! Rekoboam do pug jo mege me ot ka Daudi.” Aso, jo me Isirael oko dok i iemai gi.

2 Iyutun 10:16 Iomraidhean Croise

2 Samuel 15:13

Dano moro oko tero ne Daudi kop be, “Cuny jo me Isirael tie do i kom Abisolom.”

2 Samuel 16:11

Di Daudi oko waco ne Abisai kede ne jotic mege dedede be, “Ka ber woda kikoma tie mito neka, do do dano me ekeko ka Benjamin noni bino kalamo en tien adi! Wun wekenu, wekenu emeede lama pien Rwot en omie timo kamanono.

2 Samuel 20:1

I kanono oudo tie iye icuo moro kame ekite mege reco, kame nyinge Seba, wot ka Bikiri, en dano me ekeko ka Benjamin. En eko kuto agwara di ewaco be, “Wan oliunu kede iner moro i kom Daudi, oliunu kede gimoro amako wa kibut wot ka Yese, ngat acelacel doki i eema mere, wun jo me Isirael!”

1 Abakai 11:13

Akadi kamanono da, ango likame abino kwanyo ajakanut lung ki cinge. Ango abino weko ne jo me ekeko acel pir ngatic na Daudi kede pir Yerusalem, bomba kame ango atieko yero.”

1 Iyutun 17:14

Ango abino mine ebedo ngapug me jo na kede me ajakanut na nakanaka, doko apugan mere bino bedo ikar kede ikar.’ ”

2 Iyutun 10:17

Di Rekoboam oko donyo pugo jo kame bedo i bomban me Yuda kenekene.

2 Iyutun 10:19

Cako i kare nono tuno tin jo me Isirael oko bedo jemo ne apugan me ot ka Daudi.

Sabuli 132:17

Ki kuno abino mino twon twer me abaka but ngat acel kikom ikwae ka Daudi; ango abino mino apugan me dano na kame ayero bedo nakanaka.

Sabuli 76:10

Gero ka dano lokere doko gikame paki, jo kame obwot ki tice nin me gero bino cokere luki.

Isaya 11:1

Bala kame isiki lot kede, kamanono da abaka anyen bino wok ki ekeko ka Yese.

Amosi 9:11

Rwot waco be, “Ceng tie bino kame ango abino kiarao kede ajakanut ka Daudi kame nataman cal bala ot kopopoto. Ango abino gere di bobo eko dok i cal mere kariki sek.

Luka 19:14

Do jo me piny mere oudo dage, omio kiko oro jo olube pi ot waco be, ‘Wan likame omito be icuo ni pug wa.’

Luka 19:27

Aso, do jokwor nango gi, kalikame oudo mito be ango apug gi, kelunu gi kan inekunu gi i nyima.’ ”

Yokana 6:66

Ingei man, jo atot kikom jo kame bin oudo lubo Yesu oko dok cen, likame bobo kiko meede upere kede.

Yokana 7:53

Di do ngat acelacel kikom gi oko dok paco.

Tice 2:30

Pi kite kame oudo Daudi bin obedo kede enabi, doko di oudo engeo be Rubanga bin olairo bute di esikano be ebino keto ngat acel kikom ikwae mege pi lunyo kom mere me ajakanut,

1 Jokorinti 15:25

Pien miero epug tuno en nyono jokwor mege dedede i tiene.

Gianyuta 22:16

“Ango Yesu, acwao malaika na buti kede kope nogi pi mino but ikodeta me jokirisito. Ango en alias ka Daudi kede akware, acer arieny me odiko.”

Jongolkop 8:35

Gin likame bin kiko nyuto cuny moro me pwoc but jo me ot ka Yerubaal (manono en Egidioni), pi bero dedede kame en oudo etimo ne jo me Isirael.

1 Samuel 20:27

Do i ceng me are mere, en ceng kame lubo ceng me Ebaga me Por Duwe, kabedo ka Daudi oudo pwodi odong twolo. Di Saulo oko penyo wode Jonasan be, “Pinyo komio Daudi wot ka Yese likame obino i ebaga, nyoro kede tin da?”

1 Samuel 22:13

Saulo oko penye be, “Pinyo komio in kede Daudi iribunu kop i koma? Pinyo komio in imie cam kede epima, di doko iko penyo Rubanga pire? Pinyo komio in isupe i koma pi en donyo kina bala kame nataman etie timo?”

1 Samuel 22:7

Saulo oko waco ne jotic mege be, “Nataman winyunu, wun jo me ekeko ka Benjamin; iparunu be Daudi bino mino wun dedede poti me apura kede poti me olok? Iparunu be en ebino mino wu ibedunu jotel me isirikalen mege?

1 Samuel 22:9

Doeg dano me Edom, kame oudo tie cungo karacel kede jotic ka Saulo oko waco be, “Ango aneno Daudi kakame oudo eoto kede Nob but Akimelek wot ka Akitub.