2 Iyutun 1:6 - Baibuli I Leb Kumam 2013

⁶ Sulumani oko ot i alutari me nyonyo buronsi nono koudo tie i nyim Rwot i Eema, en eko mino giayala awanga me leini tutumia acel (1,000) i wie.

2 Iyutun 1:6 Iomraidhean Croise

1 Abakai 3:4

Ceng moro acel abaka oko ot Gibeon pi mino giayala mere kunono, pien kanono oudo en kabedo adwong kame komio iye giayala. Sulumani oudo obedo mino giayala awanga kame romo tutumia i wi alutari nono.

1 Abakai 8:5

Abaka Sulumani kede jo dedede me Isirael kame oudo ocokere bute oko cungo i nyim Sanduku me Isikan, di gin kiko mino giayala angola me romini kede twonin atot tot kalikame marere.

1 Abakai 8:63

Sulumani oko mino bala giayala me nywak but Rwot doke tutumia ot are kiwie are (22,000), kede romini tutumia tol acel kede ot are (120,000). Aso, abaka kede jo dedede me Isirael oko bin kwero ot ka Rwot kamano.

1 Iyutun 29:21

I ceng alubo mere gin kiko mino giayala angola kede giayala awanga but Rwot. Gin kimio but Rwot giayala me twonin tutumia acel (1,000), imerekekin tutumia acel (1,000), idwe romini tutumia acel (1,000), kede giayala amata kame upere kede gi, kede giayala apat atot atota pir jo Isirael.

2 Iyutun 8:12

Di Sulumani oko donyo mino giayala awanga i wi alutari kame en oudo egero i nyim tempulo.

Isaya 40:16

Leini dedede kame tie i wi mori me Lebanon ka komio but Rubanga bala giayala awanga, likame kiromo; doko twon yen me wi mori nogo da nonok likame kiromo wango giayala.