2 Iyutun 1:12 - Baibuli I Leb Kumam 2013

¹² nataman ango abino mini rieko kede ngec. Doko da abino mini abar, jamini, kede wor kalikame abaka moro lem otieko bedo tie kede i kare kokato, arabo kame abaka moro me kare me anyim bino bedo tie kede.”

2 Iyutun 1:12 Iomraidhean Croise

1 Abakai 10:24

Jo me wi lobo lung oudo cuny gi bin paro pi ot but Sulumani pi winyo kope mege me rieko kame Rubanga omie.

1 Iyutun 29:12

Abar kede wor wok ki buti, doko in ipugo jamini dedede. Twer kede teko tie i cingi, doko in en imio dwongo kede teko but jo dedede.

1 Iyutun 29:25

Rwot oko mino Sulumani dwongo i nyim jo Isirael dedede, di eko mine dwongo me ajakanut kame kalamo me abakai lung kogeo pugo Isirael.

2 Iyutun 9:22

Abaka Sulumani oudo obaro doko di eriek kalamo abakai dedede me wi lobo.

Nekemia 13:26

Ango ako penyere be, “Benyo, mam akodi mon nogi en kame bin omio Abaka Sulumani otimo dub? Kikom atekerin dedede, likame oudo tie abaka moro kame cal bala en. Rubanga mere oudo mare, omio eko kete pi bedo abaka me Isirael lung. Akadi kamanono da mon me obukui bin oko mine etimo dub.

Ngarab kop 2:9

Aso, ango ako doko twon dano kame nyinge iruo kalamo me jo dedede kogeo bedo Yerusalem di pwodi ango. Ako dong da di atie kede rieko adwong.

Ngarab kop 5:19

Ka Rubanga omio dano abar kede jamini, di eko mine yomcuny i kom gi nogo, poore ebed kede pwoc, di eko bedo kede yomcuny i gikame en ebedo lole pire. Manono obedo giamia ka Rubanga.

Matayo 6:33

Do geunu ber mono Ajakanut ka Rubanga kede poore mere, di en eko bino mino wu gi nogi dedede.

Joepeso 3:20

Nan do deyo bed but Rubanga, en ngat kame pi twer mere kame tie tic kibut wa, etwero timo gikame tot kalamo kame wan okwao amoto otamo.

Yakobo 1:5

Ka ngatamoro kibutu li kede rieko, poore ekwai Rubanga ngat kame mio jo dedede kede cunye lung abongo ingungur, di oko bino mine.