1 Yokana 5:6 - Baibuli I Leb Kumam 2013

⁶ Yesu Kirisito en ngat kame obino kede pii kede remo. Likame ebino kede pii kenekene, do ebino kede pii kede remo. Tipo en kame mio ijura i kom kop noni, pien Tipo en ateni.

1 Yokana 5:6 Iomraidhean Croise

Esekeri 36:25

Abino kikiro pii acil i komu di ako bino lonyo wu ki pwokere wu kede ki caljwogi wu.

Jolebi 17:11

Pien kuo me giakuo tie i remo; doko ango atieko mino wun remo pi wun timo kede pwola i wi alutari me kwanyo dub wu; remo en kame kwanyo dub piento en ebedo kuo.

Sakaria 9:11

Rwot waco be, “Pi isikan na kedi, kame bin komoko kede remo me giayala, ango abino gonyo jo ni, abino gonyo gi ki bur ali kede pii, me bedo obukui.

Matayo 26:28

pi man en remo na kame moko isikan ka Rubanga, remo na kame kobino onyo pi jo atot pi sasiro dub.

Matayo 3:16

Ingei batiso Yesu, en eko wok ki dud pii, cucuto di malo oko yabere ne, di eko neno Tipo ka Rubanga di bino oko poto i kome bala awele.

Marako 14:24

Yesu oko waco ne gi be, “Man en remo na kame moko isikan ka Rubanga, remo na kame kobino onyo pi jo atot.

Luka 22:20

Iepone nono da, ingei cam, en eko kwanyo i kopo me bwini, di eko mino gi di ewaco be, “Ikopo ni en isikan kanyen me remo na, kame kobino onyo piru.

Yokana 14:17

En ebedo Tipo me ateni, kame jo me piny ni likame twero udo, pien likame kitwero nene arabo ngene. Do wun ingeunu en, piento en etie i diere wu.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:13

Kame Tipo kame nyuto ateni obino, en ebino telo wu i gi dedede me ateni, pien likame ebino yamo kede akarunikin mere kene, do en ebino tuco ne wu kop me anyim.

Yokana 3:5

Yesu oko dwoko be, “Ateteni, ateteni awaco ni be, likame tie ngat kame twero donyo i Ajakanut ka Rubanga kwanyo di konywale nywal me pii kede me Tipo Kacil.

Yokana 4:10

Yesu oko dwoko ne be, “Koto oudo ingeo giamia ka Rubanga kede ngat kame tie waco ni be, ‘Mia pi amati,’ oudo koto ipenye di en eko mini pii me kuo.”

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 6:55

pien ringokoma en cam me ateni, doko remo na da en giamata me ateni.

Tice 8:36

Di bin gin kitie pwodi ot, kiko tuno i pii moro, di ebwocit nono oko waco ne Pilipo be, “Neningo, pii ine kan, nyo kara do kame genga udo batisimu?”

Joroma 3:25

Rubanga bin oyero Yesu Kirisito tetekeny pi to mere, edok giayala kame remo mere mio kosasiro jo ki dub gi kame kiyei en. Rubanga otimo kaman pi nyuto poore mere, pien i kare asek, pi dire mere, likame en eko timo gimoro i kom dub kame jo oudo timo;

Joepeso 1:7

I remo mere, wan oudunu alako kede isasir ki dub, di lubere kede abar me kisa mere

Jokolosai 1:4

Pien wan otieko winyo kop i kom yei kame itienu kede i Kirisito Yesu, kede amara kame itienu kede but jokacil dedede,

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

Tito 3:5

en eko lako wa, likame pi tice kame wan otimo be pien wan opoore, do pi kisa mere. En etimo manoni i Tipo Kacil, ngat kame mio wa nywal me pii, en nywal me are, di okounu doko jo anyen.

Iburanian 10:29

Iparunu be ngat kame cao Wot ka Rubanga, kede kame pwoko remo me isikan kame kolonye kede, doko kame yeto Tipo me kisa, alola mere bino do bedo dwong benyo?

Iburanian 12:24

Wun ibinunu but Yesu ngat kame rucakino jo kede Rubanga i isikan kanyen, kede ibinunu i remo kame kokikiro, kame yamo kop aber kalamo remo ka Abel.

Iburanian 13:20

Nan ango akwao Rubanga won mulem, ngat kame bin oyaruno Rwot wa Yesu ki to, en etie Ngakwat Adwong me romini pi remo mere kame moko isikan kame bedo nakanaka.

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!

Iburanian 9:7

do Ngatel Josaseredoti en kame donyo i me are me yie tien acel mwaka. En etero iye remo kame eyalo ne Rubanga pire kede pi dub me jo.

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.

1 Petero 3:21

Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,

1 Yokana 1:7

Do ka wan otienu i lero bala kame en kikome etie kede i lero, udo otienu kede nywak wan kenwa kenwa, doko remo ka Yesu Wode lonyo wa ki dub wa dedede.

1 Yokana 4:10

Amara en ine: likame be wan omarunu Rubanga, do be en emaro wa di eko cwano Wode pi bedo giayala kame kwanyo dub wa.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 5:9

Gin kiko wero wer anyen di kiwaco be, “In en ngat kame opoore pi gamo itabu adola kede tako gikame kododoko mwone kede. Pien in oudo koneki, doko ilako ne Rubanga jo kede remo ni, jo me abilere dedede, leb dedede, jo me erangi dedede kede atekerin dedede.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.