1 Yokana 5:3 - Baibuli I Leb Kumam 2013

³ Pien maro Rubanga en ine be, wan olubunu cik mege. Doko cik mege likame dio wa,

1 Yokana 5:3 Iomraidhean Croise

2 Abakai 18:6

En bin emoko i kom Rwot kitek; likame eweko lube do ebedo gwoko cik kame bin Rwot omio Musa.

Sabuli 119:140

Kotieko tamo cikere nin kiber, doko ngatic nin mare.

Sabuli 119:45

Abino bedo kede gonyere, pien ango abedo lubo cik nin.

Yai 20:6

Do jo kame mara di kigwoko cik na, ango anyuto amara na kalikame lokere but gi kede but lwak me ikwae gi me tutumia kede tutumia.

Agole 3:17

En eteli bedo kede kuo me yomcuny, doko mulem tie i yote mege dedede kame en eteli iye.

Danieri 9:4

Ango alego but Rwot Rubanga di atuco dub ka jo na. Ango awaco be, “Rwot Rubanga, in idwong twatwal, wan omi wor. In igwoko isikan ni, doko inyuto amara abedo nakanaka but jo kame mari kede kame gwoko cik nin.

Mika 6:8

Okwe in wot dano, Rwot otieko waco ni gikame ber. Gikame en emito ki buti en ine: in bedo timo gime ateni, nyuto amara kalikame lokere, kede mwolere bedo timo gikame Rubanga ni mito.

Matayo 23:4

Gin kiketo i epepet me jo icegun yec apek kalikame kitwero yeno, do di gin likame kitwero cwano akadi lwet gi acel pi konyo gi tingo.

Yokana 14:15

“Ka imaranu, ibinunu gwoko cik na.

Yokana 15:10

Ka igwokunu cik na, ibinunu dong i amara na, bala kite kame ada agwoko kede cik ka Papa na di ako dong i amara mere.

Yokana 15:14

Ka itimunu gikame aciko wu iye, udo wun jowota.

Joroma 7:12

Aso, Iswil tie gikame cil kede cik da obedo gikame cil, en etie gi me ateni, doko eber.

Joroma 7:22

Pien ango i kuo na cunya yom pi iswil ka Rubanga,

Iswilia 5:10

Do ango anyuto amara na kalikame lokere but lwak me ikwae me tutumian kede tutumian me jo kame mara di kigwoko cik na.

Iswilia 7:9

Pi mano, poore wun ingeunu be Rwot Rubanga wu en kene kame ebedo Rubanga doko egenere. En ecobo isikan mere doko enyuto amara mere kalikame lokere but lwak me ikwae me tutumian me jo kame mare di kilubo cik mere,

Iburanian 8:10

Rwot owaco be, isikan kame ango abino timo kede jo me Isirael i kare kame bino bino en ine: Ango abino keto iswilia na i tam gi kede ako wandiko gi i cuny gi, di ango ako bino bedo Rubanga gi, kede gida kiko bino bedo jo na.

1 Yokana 2:3

Ka wan olubunu cik ka Rubanga, udo wan oniangunu kiber be wan ongeunu en.

2 Yokana 1:6

Amara nono en ine be, wan poore olubunu cik ka Rubanga. Cik nono, bala kame ibedunu winyo kede cako i agege, en ine be, miero ibedunu kede amara.