Kur ibedunu jo kame woro cal jwogi bala kame bin jo mogo kikom gi otimo kede; bala kame kowandiko be, “Jo obedo piny cam kede amata, di kiko yai malo miel.”
Pien gin ikom gi kiwaco kop i kom epone kame igamunu wa kede, kede epone kame ilokerenu kede but Rubanga di ikounu weko woro cal jwogi, pi tic ne Rubanga kakuo kede me ateni,
Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.
Yiro me mac kame kocano gi kede duny eoto malo ikar kede ikar. Jo kame woro le nono kede cal mere, kede jo kame koketo ne gi alama me nyinge, gin kibino neno can iwor kede iceng abongo wei.”
Jo icegun dedede kame can nogi likame oneko, likame oko swilaro ki gikame cing gi otimo, amoto weko woro jwogi, cal jwogi kame kotimo kede saabu, siliba, nyonyo burons, kidi kede yat kame kopao, gi kalikame neno piny amoto winyo kop arabo twero ot.
