1 Yokana 5:20 - Baibuli I Leb Kumam 2013

²⁰ Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

1 Yokana 5:20 Iomraidhean Croise

Isaya 44:6

Rwot, Abaka me Isirael, Ngalak mere, Rwot me jo yi, waco be, “Ango abedo me agege kede me ajikini; likame tie rubanga moro ace kwanyo ango kena.

Isaya 54:5

Ngat kocwei bino bedo bala cwari; nyinge Rwot me jo yi. Ngat Kacil me Isirael en Ngalak ni; en Rubanga me wi lobo lung.

Isaya 9:6

Konywalo ne wa atin, komio wa atin awobi! En ebino bedo ngapug wa! Kobino lwonge be, “Ngamini tam me Aura, Rubanga Won Twer, Papa kame bedo Nakanaka, Ngapug akelo Mulem.”

Yeremia 10:10

Do Rwot, in en ibedo Rubanga me ateni; in en Rubanga akuo, kede abaka kame pugo nakanaka. Ka in idoko ger, wi lobo lung yangere; atekerin likame sobolo kanyakino lilo nin.

Yeremia 23:6

I kare mere me pug, Yuda bino bedo abongo peko moro, doko da Isirael bino bedo kede anapakin. En kobino lwonge be ‘Rwot Timo ne wa Gikame opoore’.

Matayo 13:11

En eko dwoko be, “Pien kotieko mino wun ngeno mung me Ajakanut me malo, do Rubanga likame omio jo apat ngec nono.

Luka 21:15

pien ango abino mino wu kope me ayama, kede rieko da kalikame tie ngakwor wu moro kame bino twero kanyakino arabo piem kede.

Luka 24:45

Di en eko yabo wi gi pi mino gi niang iwandik kacil,

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 10:30

Ango kede Papa otie acel.”

Yokana 14:20

Ka ceng no otuno, wun ibinunu ngeno be ango atie i Papa na, doko wuda itienu i ango, kede ango da atie i wun.

Yokana 14:23

Yesu oko dwoko ne be, “Jo kame mara bino lubo kop na. Papa na bino maro gi, di ango kede Papa oko bino but gi, di oko bedo kede gi.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 14:9

Yesu oko dwoko ne be, “Pilipo, ango abedo kede wu kan pi kare go dedede, benyo, ida likame ingea? Ngat konenango udo eneno Papa; pinyo doko komio iwacunu be anyut ne wu Papa?

Yokana 15:4

Dongunu i ango, ada ako dong i wun. Bala kite kame ajange likame twero nyako kede anyakini en kene, kwanyo ka edong i kom olok, kamanono da, wuda likame itwerunu nyako anyakini wun kenu, kwanyo ka idongunu i ango.

Yokana 17:14

Ango atieko mino gi kope ni; do piny oko dagi gin, pien likame gin kibedo jo me piny, bala kite kame ango da likame abedo kede dano me piny.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 20:28

Tomasi oko dwoko ne be, “In Rwot na kede Rubanga na!”

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Joroma 9:5

Joakwari me agege me Isirael obedo mergi, doko i kom kop kame mako anywali me kom, Kirisito owok ki ateker gi. Pak bed but Rubanga ngat kame lo jame dedede ikar kede ikar. Amen.

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

2 Jokorinti 5:17

Aso, ka ngatamoro tie i Kirisito, udo en etie giacwea anyen; gikacon okato, nan do gikame nyen otieko bino.

Joepeso 3:18

Akwao be, wek wun karacel kede jokacil dedede itwerunu niang gikame obedo laco, boro atena, boro malo kede tuto,

Jopilipi 3:9

di oko bino wuda di atie i en. Likame pwodi doko ango atie kede poore amaka kikoma, kame bino pi lubo Iswil, do atie kede maca kame yei Kirisito en kame kelo, en poore kame wok kibut Rubanga pi yei.

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Iburanian 1:8

Do i kom Wode, en eko waco be, “Okwe Rubanga, Ajakanut ni tie pi ikar kede ikar! In ipugo jo ni i yore me ateni.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 2:24

Wek gikame ibedunu winyo anakacene dong i cunyu. Ka gikame genere anakacene odong i cunyu, ibinunu bedo di itienu kede kuo i Wod kede i Papa.

1 Yokana 2:6

ngat kame waco be, “Ango atie i en,” poore ebed iepone kame en oudo ebedo kede.

1 Yokana 4:14

Wan otiekunu neno, doko omiunu ijura be Papa otieko cwano Wode bala Ngalak me piny.

1 Yokana 4:16

Aso wan otiekunu ngeno doko oyeunu amara kame Rubanga tie kede pirwa. Rubanga en amara, doko ngat kame tie kede amara kuo i Rubanga doko Rubanga da tie i kuo mere.

1 Yokana 4:2

Epone kame ibinunu ngeno kede Tipo ka Rubanga en ine: tipo kame waco be Yesu Kirisito obino bala dano, udo Tipo nono owok kibut Rubanga,

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

1 Yokana 5:15

Doko ka wan ongeunu be en ewinyo wa i gi dedede kame wan okwae, udo ongeunu da be otiekunu udo gi dedede kame okwaunu kibute.

1 Yokana 5:18

Wan ongeunu be jo kame obedo idwe ka Rubanga likame dubo, pien Wot ka Rubanga gwoko gi, di likame Ngarac ko karuno mulo gi.

1 Yokana 5:5

Ngai en kame karuno lono piny? Mam en ngat kame yei be Yesu en Wot ka Rubanga?

Gianyuta 15:3

Oudo gin kitie wero wer ka Musa ngatic ka Rubanga, kede wer me Katin Romo be, “In Rwot Rubanga Won Twer, tice ni dongodongo doko kibedo me aura. In Abaka me atekerin dedede, in itimo gi dedede i yore kopoore kede me ateni.

Gianyuta 19:11

Di ako neno malo oyabere, ako neno asigira atar di tie iye. Ngat kame oudo tie wanano asigira nono oudo kolwongo be Egenere, kede Ateni; en engolo kop doko eyi i yore kopoore.

Gianyuta 3:14

“Wandiko but malaika me ekodet me jokirisito kame tie Laodikia be: “Magi en kop kowok kibut Amen, mujura me ateni kame genere, ngat kame gi dedede kame Rubanga ocweo ocakere kibute.

Gianyuta 3:7

“Wandiko but malaika me ekodet me jokirisito kame tie Piladelpia be: “Magi kop me ngat kacil, ngat kame tie kede ateni, kame tie kede sumilito ka Daudi. Ka en eyabo ekeko, likame tie ngatamoro kame karuno cego; doko ka en ecego, likame tie ngatamoro kame karuno yabo.

Gianyuta 6:10

Gin kiko redo kede dwan amalo be, “Rwot won Twer, in ngat kacil kede me ateni, ibino tero kare kame rom amene di likame pwodi ingolo kop ne jo me wi lobo, di iko culo kwor me remo wa?”