1 Yokana 5:17 - Baibuli I Leb Kumam 2013

¹⁷ Tim areco dedede obedo dub, do tie dub kalikame tero dano i to.

1 Yokana 5:17 Iomraidhean Croise

Isaya 1:18

Rwot waco be, “Nan do bianu oporunu kop. Akadi bed bala dub wu opwoko wu ibokerenu bubu, do ango abino lwoko wu ikounu doko tar bala akako, akadi bed bala kikwar bala remo, kibino doko tar bala epamba.

Iswilia 12:32

Wun miero iketunu cunyu lubo gi dedede kame ango aciko ne wu; kur imedunu gimoro iye arabo ikwanyunu gimoro tenge kiye.”

Iswilia 5:32

“Pi mano, wun miero igwokerenu di ikounu timo gikame Rwot Rubanga wu otieko ciko ne wu; likame poore iparaunu tenge kiye.

Yakobo 1:15

Di do kame mit me cuny ocato, en eko nywalo dub, kede ka dub da ocato en eko do kelo to.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

1 Yokana 3:4

Jo dedede kame dubo udo tie kede raco me turo iswil, pien dub en turo iswil.

1 Yokana 5:16

Ka ineno omini amoto amini moro di tie timo dub kalikame tere i to, in kwai Rubanga pire di Rubanga ko bino mine kuo. Man tie pi jo kame dub gi likame tero gi i to. Tie dub kame tero dano i to, ango likame awaco be ilegunu pi manono.