1 Yokana 4:9 - Baibuli I Leb Kumam 2013

⁹ Rubanga onyuto amara mere but wa iepone kame cal kaman: en ecwao Wode acel kenekene i piny tetekeny wan obedunu kede kuo pi en.

1 Yokana 4:9 Iomraidhean Croise

Ageini 22:2

Rubanga oko waco ne be, “Ter wodi Isaka, en wodi acel kenekene kame in imaro twatwal. Ot kede i lobo me Moria kakame in ibino mine iye bala giayala awanga i wi moru kame ango abino nyuto ni.”

Sabuli 2:7

Abaka waco be, “Abino waco kop kame Rwot omio. En ewaco na be, ‘In en woda; tin ango adoko papa ni.

Marako 12:6

Oudo pwodi edong kede dano acel kobedo wode kame emaro. Me ajikini mere en eko do cwano wode nono di ewaco be, ‘Angeo be kiyaro do bedo kede wor but woda.’

Luka 4:18

“Tipo ka Rwot tie i koma, piento en etieko yera pi kelo ne jocan kop aber. En eora pi bino tuco ne jo kame kotweo kop kame mako gonyo gi, kede but imuduka kop kame mako yabere me wang. En eora pi gonyo jo kame kodio,

Yokana 10:10

Ngakuwo bino kenekene pi kwalo, neko kede pi dudubo. Do ango abino tetekeny jo ud kuo, kuo kopong.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Yokana 3:18

“Ngat kame yei en likame kobino ngolo kop loe; do ngat kalikame yei en kotieko ngolo kop oloe cuto, pien likame eyei nying Wot ka Rubanga acel kenekene.

Yokana 5:23

tetekeny jo dedede bed kede wor but Wod bala kite kame kibedo kede wor but Papa. Ngat kalikame tie kede wor but Wod, udo likame etie kede wor but Papa ngat kocwao Wod.

Yokana 6:29

Yesu oko dwoko ne gi be, “Tic ka Rubanga en ine be, wun miero iyeunu ngat kame en eoro.”

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Yokana 6:57

Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Yokana 8:29

Doko ngat kame oora tie keda; likame eweka kena; pien ango nakanaka atimo gikame yomo cunye.”

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Yokana 9:3

Yesu oko dwoko be, “Likame pien icuo ni arabo jonywal mege oudo odubo, do etimere kaman tetekeny tice ka Rubanga nyutere i kome.

Joroma 8:32

En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en?

Iburanian 1:5

Pien malaika mene kame Rubanga otieko waco ne be, “In en Woda tin ango atieko doko Papa ni”? Arabo bobo be, “Ango abino bedo Papa mere, di en eko bino bedo Woda”?

1 Yokana 3:16

Epone kame wan ongeo kede amara en ine: Kirisito ojalo kuo mere pirwa. Pi mano, poore wada ojalunu kuo wa pirwa kenwa kenwa.

1 Yokana 4:10

Amara en ine: likame be wan omarunu Rubanga, do be en emaro wa di eko cwano Wode pi bedo giayala kame kwanyo dub wa.

1 Yokana 4:16

Aso wan otiekunu ngeno doko oyeunu amara kame Rubanga tie kede pirwa. Rubanga en amara, doko ngat kame tie kede amara kuo i Rubanga doko Rubanga da tie i kuo mere.

1 Yokana 5:11

Caden nono en ine be, Rubanga otieko mino wa kuo kame bedo nakanaka, doko kuo noni tie i Wode.

1 Yokana 5:13

Ango awandiko ne wu gi nogi, wun jo kame iyeunu nying Wot ka Rubanga, tetekeny ingeunu be wun itienu kede kuo kame bedo nakanaka.