1 Yokana 4:8 - Baibuli I Leb Kumam 2013

⁸ Ngat kalikame nyuto amara likame obedo atin ka Rubanga, pien Rubanga en amara.

1 Yokana 4:8 Iomraidhean Croise

Sabuli 86:15

Do in, Okwe Rwot, ibedo Rubanga kame timo jo kisa doko itimo mwolo; in cunyi likame susunyo wang, doko amara nin kalikame lokere kede genere nin dwong twatwal.

Sabuli 86:5

Pien in, Okwe Rwot, iber doko isasiro jo, amara ni kalikame lokere dwong but jo dedede kame kok buti.

2 Jokorinti 13:11

Di do ajiko, imiegu kede amiegu na, asounu do; iikunu ekite wu, lubunu gikame akwao wu pi timo, winyerenu, bedunu kede mulem, di Rubanga me amara kede me mulem ko bino bedo kede wu.

Joepeso 2:4

Do Rubanga, ngat kame opong kede cuny me kisa, pi amara mere adwong but wa,

Iburanian 12:29

pien Rubanga wa tie bala mac kame wango piny.

1 Yokana 1:5

Kop kame wan owinyo kibute doko kame wan opwonyo wu iye en ine be, Rubanga en lero doko eli kede colo moro atwal.

1 Yokana 2:4

Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 2:9

Ngat kame waco be en etie i lero do di edagi omin mere amoto amin mere udo pwodi etie i colo.

1 Yokana 3:10

Idwe ka Rubanga kede idwe ka Sitani nyutere iepone kacal kaman: jo dedede kalikame timo gikame opoore, amoto kalikame maro imiegu kede amiegu gi, likame obedo idwe ka Rubanga.

1 Yokana 3:6

Likame tie ngatamoro kame tie i en kame dubo; likame tie ngatamoro kame dubo kame otieko nene, amoto kame ngeo en.

1 Yokana 4:16

Aso wan otiekunu ngeno doko oyeunu amara kame Rubanga tie kede pirwa. Rubanga en amara, doko ngat kame tie kede amara kuo i Rubanga doko Rubanga da tie i kuo mere.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.