1 Yokana 4:7 - Baibuli I Leb Kumam 2013

⁷ Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.

1 Yokana 4:7 Iomraidhean Croise

Yokana 13:34

Ango nan amio wu cik anyen be, marerenu kenu kenu; bala kite kame ango amaro wu kede, wuda poore imarerenu kenu kenu.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

1 Jokorinti 8:3

Do ka dano maro Rubanga, dano nono Rubanga ngeo.

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

Jogalatia 4:9

Do bala kite kame nataman itiekunu ngeno kede Rubanga, arabo awac be Rubanga otieko ngeno wu, benyo benyo kame idokunu kede bobo but tipere kame goro kede kame jocan, kame pugo piny? Benyo bo komio imitunu bobo bedo ipasoi gin?

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

Iswilia 30:6

En ebino mino cunyu kede cuny ikwae wu bedo kede wor bute, tetekeny wun ikounu bino mare kede cunyu lung, kede kuo wu lung, di ikounu bino kuo.

2 Temeseo 1:7

Pien likame Rubanga omio wa Tipo kame mio wa lworo, do emio wa Tipo kame mio wa twer, amara, kede dino mit me kom.

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Yokana 2:10

Ngat kame maro omin mere amoto amin mere udo etie i lero, doko likame udo etie kede gimoro kame mio jo poto i dub.

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 2:3

Ka wan olubunu cik ka Rubanga, udo wan oniangunu kiber be wan ongeunu en.

1 Yokana 2:4

Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 2:7

Jo na kame amaro, ango likame atie wandiko ne wu cik kanyen, do cik acon kame oudo wun itienu kede cako ki agege. Cik acon nono en kop kame wun itiekunu winyo.

1 Yokana 3:9

Jo kame obedo idwe ka Rubanga likame dubo, pien kitie kede ekite me kuo mere. Likame gin kidubo pien kibedo idwe ka Rubanga.

1 Yokana 4:11

Jo na kame amaro, bala kame Rubanga omaro wa kede kitek, wada poore omarerenu kenwa kenwa.

1 Yokana 4:12

Likame pwodi tie ngatamoro kotieko neno Rubanga, do ka wan omarerenu kenwa kenwa, Rubanga bedo i kuo wa, doko amara mere ko tuno kakare kibut wa.

1 Yokana 4:16

Aso wan otiekunu ngeno doko oyeunu amara kame Rubanga tie kede pirwa. Rubanga en amara, doko ngat kame tie kede amara kuo i Rubanga doko Rubanga da tie i kuo mere.

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.

1 Yokana 4:8

Ngat kalikame nyuto amara likame obedo atin ka Rubanga, pien Rubanga en amara.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

2 Yokana 1:5

In dako kame koyero, ango nan atie kwani, likame etie bala ango atie wandiko ni cik anyen, do en etie cik kame wan oudo obedunu tie kede cako i agege, en ine be, omarerenu kenwa kenwa.