1 Yokana 4:6 - Baibuli I Leb Kumam 2013

⁶ Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.

1 Yokana 4:6 Iomraidhean Croise

2 Iyutun 18:21

En eko dwoko be, ‘Ango abino ot di ako mino inabin ka Akab ngale.’ Di Rwot oko waco be, ‘Oti ingale; manono bino twerere.’ ”

Isaya 29:10

Pien Rwot otieko coro ne wu cuny me mito nino kitek; inabin poore bedo bala wangu, do en etieko umo wang gin; etieko umo wi joneno.

Isaya 8:20

pi udo kope kede pwony kibut gi?” Ateteni jo kame yamo kamanoni likame bino kuo tuno neno lero.

Kosea 4:12

Gin kioto penyo tam kibut ebao! Ebela en kame waco ne gin gikame kimito ngeno! Bala dako kame timo malaya, gin kiparao tenge woro rubangan apat, di kiko weka ango Rubanga gi.

Mika 2:11

“Wun cunyu mito enabi kame bino di eko donyo waco ne wu kope me angalo be, ‘Ango amurao ne wu be, bwini kede kongo akec bino mol ne wu bala pii.’

Mika 3:8

Do Rwot otieko pongo twer kede tipo mere i kuo na. En emia nwangcuny me yamo i kom ngolo kop me ateni, kede tuco ne jo Isirael dub gi.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 10:16

Doko atie kede romini ace kame li ki anok noni; miero akel gida, di gin kiko bino winyo dwana. Gin kiko bino bedo romini me anok acel kame tie kede ngakwat acel.

Yokana 10:27

Romini na winyo dwana, ango da angeo gi, doko gida kiluba.

Yokana 10:3

ngadar erute yabo ne erute, doko romini winyo dwane. En elwongo romini mege kede nying gi, di eko telo gi wok ooko.

Yokana 13:20

Ateteni, ateteni awaco ne wu be, ngat kame gamo dano kame ango aoro, udo egama; doko ngat kame gama udo egamo ngat kame oora.”

Yokana 14:17

En ebedo Tipo me ateni, kame jo me piny ni likame twero udo, pien likame kitwero nene arabo ngene. Do wun ingeunu en, piento en etie i diere wu.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:13

Kame Tipo kame nyuto ateni obino, en ebino telo wu i gi dedede me ateni, pien likame ebino yamo kede akarunikin mere kene, do en ebino tuco ne wu kop me anyim.

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 20:21

Yesu bobo oko medo waco ne gi be, “Mulem bed butu. Bala kite kame Papa na oora kede, kamanono ada aoro wu.”

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

Yokana 8:23

En eko waco ne gi be, “Wun iwokunu ki piny, do ango awok ki malo; wun ibedunu jo me piny kan, do ango likame dano me piny kan.

Joroma 1:1

Baluwa kowok kibut Paulo ngatic ka Yesu Kirisito, ngat kame kolwongo pi bedo ngaor, di oko poke pi tuco ejiri ka Rubanga.

Joroma 11:8

bala kame kowandiko be, “Rubanga omio gi cuny kodil, wang kalikame neno, kede yit kalikame winyo kop, etie kamanoni tuno tin.”

1 Jokorinti 14:37

Ka ngatamoro paro be en ebedo enabi arabo etie kede twer me Tipo, miero en engei be gikame ango atie wandiko butu Rwot en kame ociko.

2 Jokorinti 10:7

Nenunu gikame tie kakaler. Ka ngatamoro geno be en me ka Kirisito, mito eyutuno be, bala kame en ebedo kede me ka Kirisito, kamanono wada otie me ka Kirisito.

2 Jotesalonika 1:8

En ebino bino di etie i dier mac kame liel, di eko bino culo kwor i kom jo kalikame ngeo Rubanga kede jo kame dagi lubo ejiri ka Rwot wa Yesu.

1 Temeseo 4:1

Tipo waco kakaler be i kare me ajikini jo mogo bino weko yei; gin kibino winyo kope me tipere kame tie kede angalo kede pwony me jwogi.

2 Petero 3:2

poore iyutununu kope kame inabin kacil riki owaco sek, kede da ipoorenu yutuno cik ka Rwot Ngalak wa, en cik kowok kibut joor.

1 Yokana 4:1

Jo na kame amaro, kur iyeunu jo dedede kame waco be kitie kede Tipo ka Rubanga, do tamunu gin dedede pi niang kame tipo kame kitie kede wok kibut Rubanga, pien inabin atot me angalo otieko sarakin i piny.

1 Yokana 4:4

Idwe na, wun ibedunu me ka Rubanga, doko itiekunu bwono inabin me angalo, pien ngat kame tie i kuo wu tie kede twer adwong kalamo ngat kame tie i piny.

1 Yokana 4:8

Ngat kalikame nyuto amara likame obedo atin ka Rubanga, pien Rubanga en amara.

1 Yokana 5:19

Wan ongeunu be wan obedunu idwe ka Rubanga, kede be, piny lung tie i twer me Ngarac.

Yuda 1:17

Do wun jo na kame amaro, miero iyutununu gikame bin joor ka Rwot wa Yesu Kirisito oudo ogeo waco sek.