1 Yokana 4:2 - Baibuli I Leb Kumam 2013

² Epone kame ibinunu ngeno kede Tipo ka Rubanga en ine: tipo kame waco be Yesu Kirisito obino bala dano, udo Tipo nono owok kibut Rubanga,

1 Yokana 4:2 Iomraidhean Croise

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

1 Jokorinti 12:3

Pi mano, ango amito iniangunu be likame tie ngatamoro kame Tipo ka Rubanga telo di eko waco be, “Ilam mak Yesu!” Doko likame tie ngatamoro kame twero waco be “Yesu en Rwot” kwanyo di Tipo Kacil en kame otele.

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

1 Yokana 1:2

Konyuto kuo noni di wan oko nene, nataman wan omio ijura i kome, di owaco ne wu kop i kom kuo kame bedo nakanaka kame oudo tie kede Papa di oko nyute but wan.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 4:15

Ngat kame tuco be Yesu en Wot ka Rubanga, Rubanga bedo i kuo mere doko eda ekuo i Rubanga.

1 Yokana 4:3

do tipo dedede kalikame tuco nying Kirisito likame owok kibut Rubanga. Manono en tipo ka Ngakwor ka Kirisito, kame oudo wun iwinyunu be tie bino, doko nan etieko tuno i piny da.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

2 Yokana 1:7

Joangalo atot otieko sarakin i piny, jo kalikame yei be Yesu Kirisito obino bala dano. Dano moro kame cal kamanono obedo ngaangalo, doko en Ngakwor ka Kirisito.