1 Yokana 4:18 - Baibuli I Leb Kumam 2013

¹⁸ Lworo likame tie i amara, do amara kame tie kakare riamo lworo tenge, pien lworo tie gikame makere kede alola, doko ngat kame tie kede lworo udo amara mere likame otuno kakare.

1 Yokana 4:18 Iomraidhean Croise

Yobu 15:21

Dwan akelo lworo dwilao i yite, joyak sure i esawa kame etie kede i mulem.

Sabuli 119:120

Koma miel pi lwori, doko ango alworo ngolo kop nin.

Sabuli 73:19

Gin komuducaro gi abongo gal, can kame kelo lworo wearo gi pitipit.

Matayo 9:34

Do Iparisayon oko waco be, “En eriamo jwogi kede twer kowok kibut ngadwong me jwogi.”

Joroma 8:15

Pien likame igamunu Tipo kame loko wu idokunu ipasoi di eko mino wu bedo kede lworo, do igamunu Tipo kame mio wu ibedunu idwe ka Rubanga. Kame okokunu but Rubanga be, “Aba! Papa!”

2 Temeseo 1:7

Pien likame Rubanga omio wa Tipo kame mio wa lworo, do emio wa Tipo kame mio wa twer, amara, kede dino mit me kom.

Iburanian 12:28

Pi mano, bala kame wan otienu gamo kede ajakanut kalikame yangere, poore omiunu pwoc, di okounu mino Rubanga wor kame yomo cunye di omwolerenu, kede di otienu kede lworo,

Yakobo 2:19

In iyei be Rubanga tie acel; mano itimo ber. Akadi jwogi da yei kamanono, doko di kom gi miel amiela.

1 Yokana 4:12

Likame pwodi tie ngatamoro kotieko neno Rubanga, do ka wan omarerenu kenwa kenwa, Rubanga bedo i kuo wa, doko amara mere ko tuno kakare kibut wa.