1 Yokana 4:16 - Baibuli I Leb Kumam 2013

¹⁶ Aso wan otiekunu ngeno doko oyeunu amara kame Rubanga tie kede pirwa. Rubanga en amara, doko ngat kame tie kede amara kuo i Rubanga doko Rubanga da tie i kuo mere.

1 Yokana 4:16 Iomraidhean Croise

Sabuli 31:19

Okwe, bero kame in ikano ne jo kame wori tin dwong benyo, kame iko mino oko cobere i nyim jo dedede but jo kame ringini gwokere buti.

Isaya 64:4

Cako riki sek, likame tie ngatamoro kotieko neno arabo winyo kop i kom Rubanga moro apat kame cal bala in, ngat kame timo gikame cal kamagonogo ne jo kame gene.

Yokana 6:69

doko wan otieko yei di oko ngeno da be in en Ngat Kacil ka Rubanga.”

Yokana 9:3

Yesu oko dwoko be, “Likame pien icuo ni arabo jonywal mege oudo odubo, do etimere kaman tetekeny tice ka Rubanga nyutere i kome.

1 Jokorinti 2:9

Do bala kame kowandiko be, “Gikame wang moro likame pwodi oneno, akadi yit moro da likame pwodi owinyo, akadi ngatamoro da pwodi likame otamo pire, gi nono en kame Rubanga otieko iiko ne jo kame mare.”

1 Yokana 3:1

Nenunu ber epone kame Papa maro wa kede, manoni en komio kolwongo wa be idwe ka Rubanga; doko da ateteni wan idwe mege. Piny likame ngeo wa pien ekwie.

1 Yokana 3:16

Epone kame wan ongeo kede amara en ine: Kirisito ojalo kuo mere pirwa. Pi mano, poore wada ojalunu kuo wa pirwa kenwa kenwa.

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.