1 Yokana 4:12 - Baibuli I Leb Kumam 2013

¹² Likame pwodi tie ngatamoro kotieko neno Rubanga, do ka wan omarerenu kenwa kenwa, Rubanga bedo i kuo wa, doko amara mere ko tuno kakare kibut wa.

1 Yokana 4:12 Iomraidhean Croise

Ageini 32:30

Aso, Yakobo oko waco be, “Ango atieko neno Rubanga wang i wang, do di ako dong kuo,” omio eko cako nying kanono be Peniel.

Yai 33:20

Do ango likame abino mini ineno wanga; pien likame tie dano moro kame nena di eko dong kuo.

Wel 12:8

Ango ayamo kede en wang i wang, di kope dedede tie kakaler likame i agole. Doko da en etieko neno cal nango! Do kara pinyo komio wun likame ikounu bedo kede lworo me yamo kop arac i kom Musa?”

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

1 Jokorinti 13:13

Aso, yei, gen kede amara, gin adek gi kidong atwal; do kame pire dwong kalamo gin dedede en amara.

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

1 Temeseo 6:16

En kene kalikame eto, doko ebedo i lero kalikame ngatamoro twero noko. Likame tie ngatamoro kotieko nene arabo kame twero nene. Wor kede twer kame bedo nakanaka bed bute. Amen.

Iburanian 11:27

Pi yei, Musa oyai ki Misiri di likame etie kede lworo i kom gero me abaka. En ekanyakino ineno bala oudo eneno ngat kalikame neeno.

1 Yokana 2:5

Do ngat kame lubo kop mere, ateteni udo amara mere i kom Rubanga otieko tuno kakare. Epone kame wan ongeunu kede be wan oriberenu kede en ine:

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

1 Yokana 4:16

Aso wan otiekunu ngeno doko oyeunu amara kame Rubanga tie kede pirwa. Rubanga en amara, doko ngat kame tie kede amara kuo i Rubanga doko Rubanga da tie i kuo mere.

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.

1 Yokana 4:6

Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.