1 Yokana 4:11 - Baibuli I Leb Kumam 2013

¹¹ Jo na kame amaro, bala kame Rubanga omaro wa kede kitek, wada poore omarerenu kenwa kenwa.

1 Yokana 4:11 Iomraidhean Croise

Luka 10:37

Ngapwony me Iswil nono oko dwoko be, “Ngat konyuto cuny me kisa bute.” Yesu oko waco ne be, “Ida oti itim kamanono.”

Yokana 13:34

Ango nan amio wu cik anyen be, marerenu kenu kenu; bala kite kame ango amaro wu kede, wuda poore imarerenu kenu kenu.

Joepeso 4:31

Kwanyunu tenge cuny akec dedede, kede lilo, kede gero, kede lok, kede dubo nying jo, karacel kede cuny arac dedede.

Jokolosai 3:13

Kanyakinunu kede dano acelacel, doko ka ngatamoro tie kede kop moro arac kede dano ocelu, ngat acelacel poore sasiro dano ocelu; bala kame Rwot osasiro wu kede, wuda ipoorenu sasiro jo icegun.

1 Yokana 2:7

Jo na kame amaro, ango likame atie wandiko ne wu cik kanyen, do cik acon kame oudo wun itienu kede cako ki agege. Cik acon nono en kop kame wun itiekunu winyo.

1 Yokana 3:11

Pien kop kame wun iwinyunu cako ki agege en ine be, opoorenu marere wan kenwa kenwa.

1 Yokana 3:23

Cik mere en ine be, wan poore oyeunu nying Wode Yesu Kirisito di okounu marere wan kenwa kenwa, bala kame en eciko wa kede.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.

2 Yokana 1:5

In dako kame koyero, ango nan atie kwani, likame etie bala ango atie wandiko ni cik anyen, do en etie cik kame wan oudo obedunu tie kede cako i agege, en ine be, omarerenu kenwa kenwa.