1 Yokana 4:1 - Baibuli I Leb Kumam 2013

¹ Jo na kame amaro, kur iyeunu jo dedede kame waco be kitie kede Tipo ka Rubanga, do tamunu gin dedede pi niang kame tipo kame kitie kede wok kibut Rubanga, pien inabin atot me angalo otieko sarakin i piny.

1 Yokana 4:1 Iomraidhean Croise

1 Abakai 13:18

Di enabi oti me Betel oko waco ne be, “Ada abedo enabi bala in; doko da Rwot ocwao malaika waco na be apoore dwoki tura di iko cam kede iko mato pii.” Do en oudo etie ngale.

Agole 14:15

Jo akwia piny yei kope dedede, do jo ariek tamo ber di pwodi likame eyei gimoro.

Yeremia 14:14

Di Rwot oko waco na be, “Inabin tie murao kop me abe i nyinga; likame ango acwao gi, doko da likame ango ayamo kede gi amoto ciko gi. Gin kitie waco ne wu gianyuta kobedo kop me abe; kope kame gin kiwaco be bino timere i kare me anyim obedo gikame kony gi li, gikame gin kiteto kede wi gi ken gi.

Yeremia 23:16

Rwot me jo yi waco ne jo me Yerusalem be, “Kur iyeunu winyo kope kame inabin tie waco ne wu, gin kitie waco ne wu kope me nono. Gin kiwaco kope kame gin kitamo kede wi gi ken gi, do weko kope kame ango awaco.

Yeremia 5:31

Inabin murao kope me abe; josaseredoti pugo bala kame inabin ciko negi; jo na da mito be ebed timere kamanono. Do ibinunu timo benyo ka magonogo ojik?”

Marako 13:21

“I kare nono ka ngatamoro owaco ne wu be, ‘Neni, Kirisito ine!’ arabo be, ‘Neni, en ica!’ kur iyeunu kop mere.

Luka 12:57

Yesu doko oko waco be, “Pinyo ber komio likame wun itwerunu ngeno poko gikaber?

Luka 21:8

Yesu oko waco ne gi be, “Gwokerenu me wek kur rweny wu. Pien jo atot oyaro bino i nyinga di kiwaco be, ‘Ango en Kirisito!’ kede da be, ‘Kare otieko do tuno!’ Do kur iyeunu lubo gi.

Tice 17:11

Iyudayan me Berea nogi oudo obedo jo kame beco kalamo Iyudayan me Tesalonika, pien gin oudo kigamo kop ka Rwot kede cuny gi lung, di kingingico iwandik kacil ceng dedede pi mito neno ka gigi tie kop me ateni.

Tice 20:29

Ango angeo be ingei ango yai, ipeon ager oyaro bino i diere wu, gin likame kibino weko aweka romini ka Rubanga.

1 Jokorinti 12:10

but dano ace emio twer me timo giaura, but dano ace emio giamia me imurai, but dano ace emio twer me popoko tipere, but dano ace emio twer me yamo i leb anyen, kede but dano ace emio twer me gonyo leb anyen.

1 Jokorinti 14:29

Wek inabin are arabo adek en kame yami, di jo icegun pimo kop kame gin kiyamo.

1 Jotesalonika 5:20

Kur icaunu kope me inabin,

1 Jotesalonika 5:21

do pimunu kope nogo dedede; mokunu i kom gikaber,

2 Jotesalonika 2:2

kur imiunu tam wu totolun arabo igeunu bedo kede lworo pi kop kame jo waco. Gin cengemogo kiwaco be kiwinyo kop nono kibut Tipo Kacil, kibut ngatamoro, arabo be kisome ki baluwa moro kame kotero be wan en kowandiko, kame waco be Ceng me dwogo ka Rwot otieko tuno.

1 Temeseo 4:1

Tipo waco kakaler be i kare me ajikini jo mogo bino weko yei; gin kibino winyo kope me tipere kame tie kede angalo kede pwony me jwogi.

2 Temeseo 3:13

Do jo areco kede joangalo bino meede ameda dubere, di kingalo jo, doko di kongalo gida.

2 Petero 2:1

Inabin me angalo da bin oneeno i dier jo, epone nono da en kame jopwony me angalo bino bedo tie kede i diere wu. Gin kibino kelo i mung pwony mogo apat kame rwenyo jo, di kidagi kiton ngadwong gi, ngat kame oculo cul me lako gi. Manoni bino mino gin kikelo i kuo gi awakawaka gikame dudubo gi.

1 Yokana 2:18

Idwe na, ajikini otieko do tuno. Bala kame itiekunu winyo kede be Ngakwor ka Kirisito tie bino, nan do jokwor ka Kirisito otieko bino. Manoni mio wa ongeunu be kare me ajikini do otieko tuno.

1 Yokana 2:7

Jo na kame amaro, ango likame atie wandiko ne wu cik kanyen, do cik acon kame oudo wun itienu kede cako ki agege. Cik acon nono en kop kame wun itiekunu winyo.

2 Yokana 1:7

Joangalo atot otieko sarakin i piny, jo kalikame yei be Yesu Kirisito obino bala dano. Dano moro kame cal kamanono obedo ngaangalo, doko en Ngakwor ka Kirisito.

3 Yokana 1:11

Ngawota kame amaro, kur ilub timo gikarac do lub timo gikaber. Ngat kame timo gikaber obedo dano ka Rubanga, do ngat kame timo gikarac likame pwodi oneno Rubanga.

Gianyuta 2:2

Ango angeo tice wu, cane wu, kite kame idiunu kede cunyu, ikanyakin kede epone kalikame wun ikarununu kanyo kede tim me jo areco, do wun itiekunu tamo jo kame lwongere ken gi be joor do di li, di ikounu udo be gin kingalo.