1 Yokana 3:8 - Baibuli I Leb Kumam 2013

⁸ Jo dedede kame dubo obedo idwe ka Sitani; pien Sitani obedo timo dub cako ki agege. Kop komio Wot ka dano oneeno en pi dudubo tice ka Sitani.

1 Yokana 3:8 Iomraidhean Croise

Ageini 3:15

Abino mino ading bedo tie i diere nin kede dako, kede i diere me ikwae nin kede mege; gin kibino nyonyoto wii, ida ibino totongo atitinyo gi.”

Isaya 27:1

I ceng nono Rwot bino tic kede twon epima mere atek di bit adikinicel, pi mino Lebiatan alola, en twol kame maro pikiro, di en eko bino neko twol kiyiliyili abedo i nam adwong.

Wel 21:9

Aso, Musa oko timo twol kede nyonyo buronsi, di eko cibe i wi epir. Ka twol oudo otongo ngatamoro, ngat nono oudo ngio twol kame kotimo kede nyonyo buronsi nono di eko kuo.

Matayo 12:28

Do ka ango ariamo jwogi pi twer me Tipo ka Rubanga, udo Ajakanut ka Rubanga otieko do tuno butu.

Matayo 13:38

poto en piny, kodi abeco en jo kame tie i Ajakanut ka Rubanga, doi en jo ka Ngarac.

Matayo 4:3

Di ngatam jo oko bino di oko waco ne be, “Ka in Wot ka Rubanga, wac ne kide gi lokere dok mugati.”

Marako 1:24

“Yesu me Nasaret, nyo kame imito kibut wa? Mam ibino do pi tieko wa? Ango angei, in ibedo Dano Kacil ka Rubanga!”

Luka 10:18

Yesu oko waco ne gi be, “Ango aneno Sitani di poto ki malo bala meny me kot.

Yokana 12:31

Nan do en esawa me ngolo kop ne piny kan. Rubanga oyaro riamo ngat kame lem pugo piny kan tenge.

Yokana 16:11

i kom kop kame mako ngolo kop, pien kotieko ngolo ne ngapug me piny ni kop.

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Joroma 16:20

di do Rubanga won mulem ko bino nyonyoto Sitani di eko kete i loc wu i kare kiyapiyapi. Kisa ka Rwot wa Yesu Kirisito bed kede wu.

Joepeso 2:2

gikame oudo obedo ekite me kuo wu, di ilubunu ekite me kuo me piny kan, kede di ilubunu ngapug kame lo tipere kame tie i wi yamo, en tipo kame nataman pugo jo kame dagi winyo kop ka Rubanga.

Jokolosai 2:15

En eturo twer me tipere kame pugo kede me wegi akarunikin, di eko mino gi kidoko gikame jo neno, di etelo gi i esirit bala mabus kame komako, pi en nyuto be elo.

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

Iburanian 2:14

Bala kame jo obedo giacwea kame tie kede remo kede ringo, Yesu da kikome oko nywako cal gi nono, tetekeny pi to mere wek eloi Sitani ngat kame tie kede twer me kelo to,

Iburanian 9:26

pien ka koto oudo tie kamanono, koto oudo ebedo neno can kare i kare cako ki agege me piny. Do bala kite kame etie kede, en etieko nyutere kicel atwal i kare noni me ajikini, pi yalere tetekeny ekwany dub.

2 Petero 2:4

Pien Rubanga bin likame oweko aweka imalaikan i kare kame bin kidubo kede, do euco gi i mac kalikame to di eko dilo gi i bur acol cucucuc, pi daro gi ki kuno tuno i ceng me ngolo kop.

1 Yokana 1:2

Konyuto kuo noni di wan oko nene, nataman wan omio ijura i kome, di owaco ne wu kop i kom kuo kame bedo nakanaka kame oudo tie kede Papa di oko nyute but wan.

1 Yokana 3:10

Idwe ka Rubanga kede idwe ka Sitani nyutere iepone kacal kaman: jo dedede kalikame timo gikame opoore, amoto kalikame maro imiegu kede amiegu gi, likame obedo idwe ka Rubanga.

1 Yokana 3:5

Wun ingeunu be bin en eneeno pi kwanyo dub, do en eli kede dub moro i kome.

1 Yokana 5:19

Wan ongeunu be wan obedunu idwe ka Rubanga, kede be, piny lung tie i twer me Ngarac.

Yuda 1:6

Doko imalaikan kame bin okalamo wang loc gi, di kiko weko kabedo gi, Rubanga otweo gi kede irikoi pi ikar kede ikar kakacol cucucuc, pi kuro Ceng adwong kame kobino ngolo iye kop.

Gianyuta 20:10

Di oko uco Sitani kame oudo ongalo gi i nam me mac kede me salupa, kakame le kede enabi me angalo oudo tie iye. Gin kibino neno can iwor kede iceng ikar kede ikar.

Gianyuta 20:15

Ngatamoro kalikame bin koudo be kowandiko nyinge i itabu me kuo, oudo kouce i nam me mac.