1 Yokana 3:7 - Baibuli I Leb Kumam 2013

⁷ Idwe na, kur iyeunu ne ngatamoro ngalo wu. Jo dedede kame timo gikame opoore obedo da jo kopoore bala kame en epoore kede.

1 Yokana 3:7 Iomraidhean Croise

Sabuli 106:3

Kitie kede yomcuny jo kame tio i yore me ateni, jo kame timo gikame opoore i kare dedede.

Sabuli 45:7

in imaro gikame opoore, do idagi gikame rac. Manono en komio Rubanga, kame obedo Rubanga nin, owiri, eko mini yomcuny kalamo jowoti dedede.

Matayo 5:20

Pien ango awaco ne wu be, likame ibinunu karuno donyo i Ajakanut me malo, kwanyo ka itimunu gi kopoore ne Rubanga kalamo jopwony me Iswil kede Iparisayon.

Luka 1:75

di otienu jokacil kede di opoorenu i nyime i kare dedede me kuo wa.

Tice 10:35

Do i atekerin dedede, en egamo jo dedede kame wore kede kame timo gi kopoore.

Joroma 2:13

Pien likame jo kame winyo Iswil awinya en kame obedo jo kopoore i nyim Rubanga, do jo kame timo gikame Iswil mito en kopoore.

1 Jokorinti 6:9

Mam ingeunu be jo kame timo gikareco, Ajakanut ka Rubanga likame bino doko mergi? Kur ngalu! Pien jocaro, arabo jo kame woro cal jwogi, joadote, cuo kame buto kede cuo wad gi,

Joepeso 5:6

Kur ngatamoro ngalu kede kope me abe, pien gi nogi en kame mio lilo ka Rubanga poto i kom jo kalikame winye.

Joepeso 5:9

Pien anyakini me lero tie i gi dedede kame ber, kopoore, kede me ateni.

Jopilipi 1:11

di kuo wu opong kede anyakini me kuo kopoore, kame wok kibut Yesu Kirisito, pi mino Rubanga deyo kede pi pake.

Iburanian 1:8

Do i kom Wode, en eko waco be, “Okwe Rubanga, Ajakanut ni tie pi ikar kede ikar! In ipugo jo ni i yore me ateni.

Iburanian 7:2

Aburaam di oko poko ne acel me tomon me jame dedede kame oudo ekelo ki yi. Me agege mere nying Melkisedeki dwong mere be “abaka kame timo gikame opoore”; doko da pi kite kame en oudo etie kede abaka me Salem, dwong me nyinge da bobo en “abaka kame kelo mulem.”

Yakobo 1:22

Do bedunu jo kame keto kop kame kiwinyo i tic, likame jo kame winyo awinya di kiko ngalere ken gi.

Yakobo 2:19

In iyei be Rubanga tie acel; mano itimo ber. Akadi jwogi da yei kamanono, doko di kom gi miel amiela.

1 Petero 2:24

En eyeo dub wa i kome i wi musalaba, tetekeny wan ojikunu dubo di okounu bedo kede kuo kopoore. Itiekunu cango pi aporeso mege.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

1 Yokana 2:26

Ango awandiko ne wu kop nogi i kom jo kame mito ngangalo wu.

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 3:18

Idwe na, obedunu kede amara, likame i kop amoto i yamo kenekene, do i ateni kede i tic.

1 Yokana 3:3

Jo dedede kame tie kede gen noni i kom Kirisito lonyere ken gi, bala kame en ecil kede.

1 Yokana 4:17

Kotieko mino amara obedo kakare i kuo wa tetekeny obedunu kede nwangcuny i Ceng me Ngolo kop, pien bala kame kuo mere tie kede, wada kuo wa cal kamanono i piny kan.