1 Yokana 3:24 - Baibuli I Leb Kumam 2013

²⁴ Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

1 Yokana 3:24 Iomraidhean Croise

Yokana 10:38

Do ka atimo gi, akadi bed bala idagunu yei ango, yeunu do tice nogo, tetekeny ingeunu di ikounu niang be Papa tie i ango, doko ada atie i en.”

Yokana 14:17

En ebedo Tipo me ateni, kame jo me piny ni likame twero udo, pien likame kitwero nene arabo ngene. Do wun ingeunu en, piento en etie i diere wu.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

1 Jokorinti 3:16

Mam ingeunu be wun en kame tempulo ka Rubanga, bobo da be Tipo ka Rubanga bedo i wun?

1 Jokorinti 6:19

Mam ingeunu be komu obedo tempulo me Tipo Kacil kame tie i komu, Tipo kame Rubanga omio wu? Wun likame megu kenu.

2 Jokorinti 6:16

Winyere nyo kame tie i dierediere me tempulo ka Rubanga kede cal jwogi? Pien wan otienu tempulo ka Rubanga kakuo; bala kame Rubanga owaco kede be, “Ango abino bedo i diere gi di aoto kiye, di ako bino bedo Rubanga gi, di gin kiko bino bedo jo na.”

1 Jotesalonika 4:8

Pi mano, ngat kame dagi kop noni udo likame edagi akarunikin me dano, do udo edagi Rubanga ngat kame mio Tipo Kacil mere butu.

2 Temeseo 1:14

Gwok jamini kabeco kame kotieko geni kede pi kony me Tipo Kacil kame wan otie kede.

1 Yokana 2:24

Wek gikame ibedunu winyo anakacene dong i cunyu. Ka gikame genere anakacene odong i cunyu, ibinunu bedo di itienu kede kuo i Wod kede i Papa.

1 Yokana 2:3

Ka wan olubunu cik ka Rubanga, udo wan oniangunu kiber be wan ongeunu en.

1 Yokana 2:5

Do ngat kame lubo kop mere, ateteni udo amara mere i kom Rubanga otieko tuno kakare. Epone kame wan ongeunu kede be wan oriberenu kede en ine:

1 Yokana 2:6

ngat kame waco be, “Ango atie i en,” poore ebed iepone kame en oudo ebedo kede.

1 Yokana 3:22

Manoni mio wan oudunu gi dedede kame wan okwaunu kibute, pien wan olubunu cik mege doko otimunu gikame yomo cunye.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.