1 Yokana 3:22 - Baibuli I Leb Kumam 2013

²² Manoni mio wan oudunu gi dedede kame wan okwaunu kibute, pien wan olubunu cik mege doko otimunu gikame yomo cunye.

1 Yokana 3:22 Iomraidhean Croise

Yobu 22:26

in ibino bedo kede yomcuny i kom Rubanga Won Twer, doko lewic likame bino maki i nyime.

Sabuli 10:17

Okwe Rwot, in ibino winyo kwac me jo amwol; ibino mino gi tekcuny.

Sabuli 34:4

Ango ako lego but Rwot, di en eko gamo kwac na, en elaka ki gi dedede kame oudo kelo na lworo.

Sabuli 50:15

Lwonganu i kare kame itienu kede i peko, ango abino lako wu di ikounu bino mina deyo.”

Agole 15:29

Rwot bor kibut jo areco, do en egamo kwac me jo kopoore.

Agole 28:9

Ka dano dagi lubo iswil, ilega mere bedo bala gi me kwer but Rubanga.

Isaya 1:15

“Akadi bed bala itingunu cingu ilega, ango abino ngoloro tenge; akadi bed bala ilegunu tien adi, do ango likame abino yei winyo kwac wu, pien remo me nek opwoko cingu.

Yeremia 33:3

“Lwongere buta di ango ako bino gamo dogi, di ako bino tatamo ni kope adongodongo komungere, kalikame in pwodi ingeo.

Matayo 17:5

Di oudo pwodi etie yamo, edou atar oko umo gi pukupuk, di dwan oko wok ki edou di waco be, “Man en Woda kame amaro, cunya yom i kome; winyenu.”

Matayo 21:22

Doko ka ilegunu di itienu kede yei, ibinunu udo gi dedede kame ikwaunu.”

Marako 11:24

Pi mano, awaco ne wu be, gi dedede kame ikwaunu i ilega, bedunu kede yei be itiekunu udo gi, di en eko bino bedo meru.

Yokana 14:13

Gimoroni kame ibinunu kwano i nyinga, ango abino timo tetekeny jo mi Papa deyo pi Wode.

Yokana 15:10

Ka igwokunu cik na, ibinunu dong i amara na, bala kite kame ada agwoko kede cik ka Papa na di ako dong i amara mere.

Yokana 15:7

Ka idongunu i ango, di kop na da oko dong i wun, ibinunu kwano gikame imitunu di ikounu udo.

Yokana 6:29

Yesu oko dwoko ne gi be, “Tic ka Rubanga en ine be, wun miero iyeunu ngat kame en eoro.”

Yokana 8:29

Doko ngat kame oora tie keda; likame eweka kena; pien ango nakanaka atimo gikame yomo cunye.”

Yokana 9:31

Wan ongeo be Rubanga likame winyo jodubo, do ka ngatamoro woro Rubanga, doko di etimo gikame Rubanga mito, Rubanga winye.

Tice 17:30

Rubanga otieko weko kop me kare kame bin jo kwie kede nono, do nan eciko jo dedede me kabedo dedede pi swilaro,

Tice 20:21

Ango oudo apwonyo Iyudayan karacel kede Jogurik be miero gin kiswilaro i nyim Rubanga, doko di kiko yei Rwot wa Yesu Kirisito.

Jopilipi 4:18

Ango atieko gamo cul na dedede kede kalamo. Ango atieko udo gikame oroma, pien Epaporodito omia giamia kame icwaunu na. En ebedo giamia kame ngwe kur, giayala kame Rubanga gamo, doko kame yomo cunye.

Jokolosai 1:10

Man bino mino ibedunu kede kuo kopoore i nyim Rwot, kame yomo cunye atwal, di inyakunu anyakini i tice dedede kame beco kede di ngec wu i kom Rubanga meede.

Iburanian 13:21

Ango akwao Rubanga won mulem emi wu gi dedede kame beco, tetekeny itimunu gikame en emito. Akwae emi wa timo gikame yomo cunye, pi Yesu Kirisito, ngat kame deyo bed bute ikar kede ikar. Amen.

Yakobo 1:5

Ka ngatamoro kibutu li kede rieko, poore ekwai Rubanga ngat kame mio jo dedede kede cunye lung abongo ingungur, di oko bino mine.

Yakobo 4:3

Ikwaunu di likame ikounu udo pien ikwaunu i yore arac, ikwaunu gi pi tic kede gi me yomo cunyu kenu.

Yakobo 5:16

Pi mano, tucunu dub wu ngat acelacel but ngawote, doko ngat acelacel poore lego ne ngawote, me wek icangunu. Ilega me ngat kopoore tie kede twer doko etio.

1 Yokana 2:3

Ka wan olubunu cik ka Rubanga, udo wan oniangunu kiber be wan ongeunu en.

1 Yokana 5:14

Nwangcuny kame wan otienu kede i nyime en ine be, ka wan okwaunu gimoro di lubere kede mit mere, en ewinyo kwac wa.