1 Yokana 3:21 - Baibuli I Leb Kumam 2013

²¹ Jo na kame amaro, ka ngec me cuny wa likame waco be orecunu, emio wan obedunu kede nwangcuny i nyim Rubanga.

1 Yokana 3:21 Iomraidhean Croise

Yobu 22:26

in ibino bedo kede yomcuny i kom Rubanga Won Twer, doko lewic likame bino maki i nyime.

Yobu 27:6

Ango amoko kitek i kom poore na, doko likame abino weke akadi acel; cunya likame pida i ceng moro acel me kuo na.

Sabuli 101:2

Abino bedo abongo raco moro i kuo na; awene en kame in ibino bino kede buta? Abino bedo kede cuny aber i oda,

Joroma 14:22

Wek yei kame itie kede bed i diere ni kede Rubanga nin. Kitie kede yomcuny jo kalikame ngolo kop i kom gi ken gi pi gikame gin kipwoyo be ber.

1 Jokorinti 4:4

Cunya likame ngeo gimoro arac kame atimo, cite likame do be ango ali kede kop moro. Rwot en kame ngolo nango kop.

2 Jokorinti 1:12

Gikame wan owakere iye en ine be, ngec me cuny wa juro be, epone me kuo wan i piny kan, kede twatwal mere epone kame wan otie bedo kede wu, tie i yore me lero kede ateni kame wok kibut Rubanga, likame kede rieko me lobo kan, do kede kisa ka Rubanga.

Joepeso 3:12

I Kirisito, wan otwerunu ot i nyim Rubanga abongo lworo, doko di otienu kede gen atek pi yei wa i kom en Kirisito.

1 Temeseo 2:8

Ango amito be, i kabedere dedede, cuo poore lego di kikiarao cing gi kacil malo, abongo cuny me gero arabo piem.

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Iburanian 4:16

Pi mano, poore onyikunu iyapiyapi kede kom me kisa ka Rubanga kede nwangcuny, tetekeny etim ne wa mwol di okounu udo kisa kame bino konyo wa i kare kame emitere ne wa kede.

1 Yokana 2:28

Aso nataman, idwe na, bedunu i en, tetekeny kame en eneeno, wan obedunu kede nwangcuny di likame lewic ko bino mako wa i nyime i Ceng me dwogo mere.

1 Yokana 2:7

Jo na kame amaro, ango likame atie wandiko ne wu cik kanyen, do cik acon kame oudo wun itienu kede cako ki agege. Cik acon nono en kop kame wun itiekunu winyo.

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

1 Yokana 3:20

akadi di ngec me cuny wa waco be orecunu; pien Rubanga dwong kalamo ngec me cuny wa, doko engeo gi dedede.

1 Yokana 4:17

Kotieko mino amara obedo kakare i kuo wa tetekeny obedunu kede nwangcuny i Ceng me Ngolo kop, pien bala kame kuo mere tie kede, wada kuo wa cal kamanono i piny kan.

1 Yokana 5:14

Nwangcuny kame wan otienu kede i nyime en ine be, ka wan okwaunu gimoro di lubere kede mit mere, en ewinyo kwac wa.